Stadnamnlova – stadnl

Stadnamn tyder i denne lova namn på geografiske punkt, liner og område som kan kartfestast.
Bruksnamn tyder i denne lova namn på eigedom med gards- og bruksnummer eller gards-, bruks- og festenummer.
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).

Så langt Kongen fastset, skal lova også gjelde for Svalbard,1 Jan Mayen og dei norske bilanda,2 den norske kontinentalsokkelen3 og Noregs økonomiske sone.4
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).
1 Sjå lov 17 juli 1925 nr. 11 §1 andre leden.
2 Sjå lov 27 feb 1930 nr. 3 §1.
3 Sjå lov 21 juni 1963 nr. 12 §1 andre punktum.
4 Sjå lov 17 des 1976 nr. 91 §1.

Når skrivemåten av eit stadnamn1 er fastsett etter denne lova og ført inn i stadnamnregisteret,2 skal skrivemåten brukast av alle offentlege organ, selskap som det offentlege eig fullt ut, og stiftingar som er oppretta av det offentlege. Andre skal bruke skrivemåten når dei gjer enkeltvedtak eller gir forskrift.3 Det same gjeld for skriving av namn i godkjenningspliktige lærebøker og i læremiddel utgitt med statsstøtte.
Samiske og finske stadnamn som blir nytta blant folk på staden, skal til vanleg brukast av det offentlege på kart, skilt, i register m.m., saman med eventuell norsk namneform.
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).
1 Sjå §1.
2 Sjå §10.
3 Sjå lov 10 feb 1967 §2 og kap. VII.

Dersom ikkje anna er fastsett i denne lova, skal det ved fastsetjing av skrivemåten av stadnamn1 takast utgangspunkt i den nedervde lokale uttalen. Skrivemåten skal følgje gjeldande rettskrivingsprinsipp for norsk og samisk. For finske stadnamn i Nord-Noreg skal skrivemåten følgje gjeldande rettskrivingsprinsipp i finsk.
Same namnet på ein og same staden skal som hovudregel ha berre ei skriftform i kvart språk.
Når særlege grunnar talar for det, kan skrivemåten av stadnamn1 avvike frå gjeldande rettskrivingsprinsipp.
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).
1 Sjå §1.

Eigar eller, dersom eigedommen er festa bort, festar fastset skrivemåten av bruksnamn.1
Skrivemåten av bruksnamn som språkleg og geografisk fell saman med nedervde stadnamn,1 eller med andre stadnamn som etter reglar i denne lova eller i andre lover og forskrifter skal brukast av det offentlege, skal likevel fastsetjast etter reglane i §4 og §6.
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).
1 Sjå §1.

Saker om skrivemåten av stadnamn1 kan takast opp av:
a. Offentlege organ og andre som er nemnde i §3 første ledd første punktum.
b. Eigar eller, dersom eigedommen er festa bort, festar når bruksnamnet1 kjem inn under §5 andre ledd.
c. Lokal organisasjon med særleg tilknyting til eit stadnamn.
d. Stadnamnkonsulentane2 når det gjeld stadnamn i deira område.
Kommunestyret eller den det gir fullmakt, gjer vedtak om skrivemåten av namn på kommunale gater, vegar, parkar, torg, bydelar, bustadfelt, anlegg o.l. Fylkestinget eller den det gir fullmakt, gjer vedtak om skrivemåten av namn på fylkeskommunale vegar, anlegg o.l.
Når ikkje anna er fastsett i lov eller forskrift gjer vedkommande statsorgan vedtak om skrivemåten av namn på statlege administrative område, anlegg o.l. Det same gjeld stadnamn på Svalbard,3 Jan Mayen, den norske kontinentalsokkelen,4 i Noregs økonomiske sone5 og i dei norske bilanda.6
Statens kartverk gjer vedtak om skrivemåten av andre stadnamn.
Offentlege organ og andre som er nemnde i første ledd, skal halde fram med å bruke dei namneformene som er i bruk av det offentlege når lova blir sett i verk, til det eventuelt blir gjort endringsvedtak etter reglane i denne lova.
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).
1 Sjå §1.
2 Sjå §9.
3 Sjå lov 17 juli 1925 nr. 11 §1 andre leden.
4 Sjå lov 21 juni 1963 nr. 12 §1 andre punktum.
5 Sjå lov 17 des 1976 nr. 91 §1.
6 Sjå lov 27 feb 1930 nr. 3 §1.
7 Kultur- og kirkedepartementet.

Eigar eller, dersom eigedommen er festa bort, festar har rett til å uttale seg i saker som gjeld bruksnamn.1 Kommunane har rett til å uttale seg før det blir gjort vedtak om skrivemåten av stadnamn i kommunen. Fylkeskommunane har rett til å uttale seg i saker som gjeld område som femner om meir enn ein kommune. Lokale organisasjonar har rett til å uttale seg i saker som gjeld stadnamn organisasjonen har særleg ei tilknyting til.
Dei som har rett til å uttale seg i saka, skal få varsel når saka blir teken opp. Dei skal få kopi av tilrådinga frå stadnamnkonsulentane,2 og dei har rett til å få sjå fråsegner frå dei andre partane. Dei skal få melding om vedtaket i saka.
Det organet som gjer vedtak etter §6 andre til fjerde ledd, skal på førehand leggje saka fram for stadnamnkonsulentane. Når vedtaksorganet krev det, eller når stadnamnkonsulentane finn det nødvendig, skal stadnamnkonsulentane gi tilråding om skrivemåten.
Alle kan få innsyn i tilrådinga frå stadnamnkonsulentane.
Når vedtaket skal gjerast av slike organ som er nemnde i §6 tredje og fjerde ledd, skal stadnamnkonsulentane sende saka til vedkommande kommune til fråsegn. Kommunane skal også syte for varsling om at saka er teken opp, til eigar eller festar i saker som gjeld bruksnamn,1 og til lokale organisasjonar i saker dei har særleg tilknyting til. Kommunen skal samordne innhenting og utsending av fråsegner og gi melding om at det er gjort vedtak.
Med mindre anna er fastsatt i lov eller i medhald av lov, gjeld reglane i forvaltningslova3 kapittel IV,4 V og VIII ikkje for saker etter stadnamnlova.
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).
1 Sjå §1.
2 Sjå §9.
3 Lov 10 feb 1967.
4 Sjå §8.

Vedtak om skrivemåten kan påklagast av dei som etter §6 første ledd bokstav a til c har rett til å ta opp saker om skrivemåten av stadnamn.1 Klageretten gjeld også vedtak gjorde av kommunar og fylkeskommunar. Vedtak gjort av Kongen og Stortinget kan ikkje påklagast.
For førebuinga av ei klagesak gjeld saksbehandlingsreglane i §7 tilsvarande.
Klager på andre vedtak enn dei som er gjorde av eit departement, skal behandlast av ei klagenemnd oppnemnd av Kongen.2 I klagesaker av prinsipiell karakter kan klagenemnda gi Norsk språkråd,3 Samisk språkråd og departementet høve til å uttale seg.
Elles gjeld reglane i forvaltningslova4 kapittel VI.
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).
1 Sjå §1.
2 Kultur- og kirkedepartementet, etter res. 4 juli 1991 nr. 448.
3 Sjå lov 18 juni 1971 nr. 79.
4 Lov 10 feb 1967.

Departementet oppnemner stadnamnkonsulentar for norske, samiske og finske stadnamn.
Namnekonsulentane skal gi rettleiing og råd om skrivemåten av stadnamn.1
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).
1 Sjå §1.

Det skal opprettast eit sentralt stadnamnregister.
Alle skriftformer som er endelege fastsette, skal meldast til stadnamnregisteret av det organet som har gjort vedtaket.
Opplysningane i registeret er offentlege.
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).

Når særlege grunnar talar for det, kan departementet i enkelttilfelle gjere unntak frå reglane i lova og forskriftene.
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).

Kongen1 kan gi forskrifter2 til utfylling og gjennomføring av lova.
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).
1 Kultur- og kirkedepartementet iflg. res. 4 juli 1991 nr. 448.
2 Jfr. lov 10 feb 1967 §2 og kap. VII.

Denne lova gjeld frå den tid Kongen fastset.1
Frå same tid blir det gjort følgjande endring i lov av 23. juni 1978 nr. 70 om kartlegging, deling og registrering av grunneiendom (delingsloven): - - -
0 Vert endra med lov 10 juni 2005 nr. 53 (i kraft 1 aug 2005, etter res. 10 juni 2005 nr. 533).
1 Frå 1 juli 1990 iflg. res. 18 mai 1990 nr. 361.