Dato: 30.09.2024 Svartype: Med merknad Høgskulen i Volda viser til Kunnskapsdepartementet sitt høyringsbrev av 11. juni "Høring Endringer i studiekvalitets- og studietilsynsforskriften – Nye krav institusjonsakkreditering og kvalitetsarbeid", og takkar for moglegheita for å kome med høyringsfråsegn. Høgskulen i Volda støttar dei føreslegne endringane. Men vil kome med følgjande innspel: Høgskulen i Volda støttar at kravet til tal doktorgrader vert redusert til éi og at det må vere krav til stabil doktorgradsutdanning som føresetnad for akkreditering, og at dette inkluderer kvantitative krav. Høgskulen i Volda vil peike på at kravet som er foreslått: «i gjennomsnitt må ha tatt opp minst 15 doktorgradsstudenter de siste fem kalenderårene» er vanskeleg å forstå. Høgskulen i Volda meiner at ei betre samla formulering for kvantitetskrava vil vere «institusjonen skal over ei periode på tre år ha uteksaminert minst femten doktorgradskandidatar». Høgskulen i Volda er av den oppfatning at eit kvantitativt krav til tal uteksaminerte kandidatar vil vere tilstrekkeleg, fordi det vil i praksis medføre at institusjonane må ta opp nok stipendiatar til å dekke dette kravet. Dermed meiner Høgskulen i Volda at krav til tal kandidatar som er tekne opp på programma ikkje er naudsynt. Høgskulen i Volda vil understreke viktigheita av at både krav som vert stilt i forskrifta og prosess knytt til utarbeiding og vurdering av søknadar om universitetsstatus må vere føreseielege og transparente for alle partar. Kunnskapsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
