Røde Kors Haugland Rehabiliteringssenter AS

Røde Kors Haugland Rehabiliteringssenter er ein spesialistinstitusjon innan fysikalsk medisin og rehabilitering. Vi gjev tilbod til pasientar med behov for intensiv, tverrfagleg rehabilitering i spesialisthelsetenesta. Vi er eit ideelt aksjeselskap som jobbar etter verdiane respekt og likeverd, og er opptatt av å ha eit ressursfokus i tilnærminga til pasientane.

Senteret har i dag driftsavtale med Helse Vest RHF om døgnrehabilitering. Vi tilbyr spesialisert rehabilitering for både vaksne, ungdom og barn. Det er kring 1200 pasientar til rehabilitering ved senteret kvart år. Totalt har vi 74 årsverk og nærare 100 tilsette.

Som leverandør av helsetenester til det offentlege er vi avhengige av å ha eit tydeleg regelverk og føreseielege anbodsprosessar.

Vi opplever at det er svært viktig å få på plass ein ny og eintydig definisjon av ideelle aktørar. Dette vil bidra til å tydeleggjere kven som er å rekne som ideell aktør og ikkje, noko vi erfarer er vanskeleg i dag.

Utvalet har lagt fram ein brei definisjon som omfattar både frivillige foreiningar, stiftingar og ideelle aksjeselskap, noko vi meiner er fornuftig. Vi er òg positive til at den ideelle velferdsaktøren kan vere del av ei større gruppe eller eit konsern dersom alle aktørane i ei slik gruppe har eit ideelt føremål.

Vidare støttar vi utvalet sitt forslag om å ei registreringsordning for ideelle velferdsaktørar. Eit slikt register vil kunne bidra til den føreseielege linja som trengs for å kunne levere spesialiserte tenester til offentleg helsevesen. Vi vil også understreke at det er viktig å organisere dette på ein slik måte at det ikkje fører til unødvendig auka ressursbruk.

Røde Kors Haugland Rehabiliteringssenter støttar framlegget til utvalet og er opptatt av at vi no får ein ny, eintydig definisjon på ideelle velferdsaktørar. Dette er noko vi har venta lenge på og som vi meiner er heilt nødvendig å no få på plass

Inger Johanne Osland,

Dagleg leiar, Røde Kors Haugland Rehabiliteringssenter AS