Dato: 23.02.2024 Svartype: Med merknad Høringssvar Perspektiv og prioritering. Eg har arbeida i over 30 år i kommunehelsetenesta som leiar på ulike nivå. Eg har også i fleire år arbeida med samarabeid og samhandling melleom spesialisthelsetenesta og kommunehelsetenesta. Først. Situasjonen slik den kjem fram i omtalen av kommunehelsetenesta er godt omtalt og svært gjenkjennbar. Mange av tiltaka som blir gjennomført i kommunane er i liten grad forska på effekten av. Dersom vi skal klare å møte behovet for helsetenester i åra som kjem vil det være av stor betydning at det blir satt av ressurser til slik forsking. Så til forslaget: Ekspertgruppa kjem med forslag om å ta med samfunnsperspektivet i prioriteringar som skal gjennomførast framover. Etter mitt syn er det på høg tid at dette kjem med. Det har alt for lenge vore ei silotenking blant sektorar og forvaltningsnivå. Eksempel: Vi har nyleg gjennomgått ein minimetodevurdering saman med FHI;Helse Fonna og Innomed i vår kommune. Gjennom bruk av hodekamera har vi overtatt deler av pasientbehandlinga til sårpoliklinikken. (Det er lange avstander her slik at poliklinisk behandling kan bli svært tungvint og dyrt.) Med hjelp av dette har vi effektivisert arbeidet for sårpoliklinikken, vi har brakt spesialisthelsetenesta inn i stova til pasienten, vi har spart transportkostnader og av og til overnatting på sjukehus og pasientane er strålande nøgde med å sleppe ei strabasiøs reise. Innsparingane kjem først og fremst hos helseføretaket, medan kostnadane kjem for kommunen. Miljøgevinsten i form av mindre utslepp er klar. Det eg vil fram til er at dersom vi i kommunen ikkje hadde hatt samfunnsperspektivet som bakgrunn for dette tiltaket så hadde det aldri blitt gjennomført på grunn av manglande økonomisk incentiv for kommunen til å gjennomføre det. Akkurat dette hindrer mange ganger ei fornuftig utvikling og prioritering innanfor det nasjonale helsevesenet totalt sett. I arbeidet med minimetodevurderinga brukte vi mellom anna FN sine bærekraftsmål som utgangspunkt for å vurdere samfunnsperspektivet. Så derfor - det vil være spesielt viktig i ei tid med store demografiske utfordringar (ikkje minst i distrikta) å ta med samfunnsperspektivet i utviklinga av korleis norsk helsevesen skal prioritere i åra som kjem. Mvh Sigurd Næss - Kvinnherad kommune Helse- og omsorgsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
