Dato: 08.04.2024 Svartype: Med merknad Høyringssvar frå Gol og Herad sokn til det framlagte Kirkebevaringsprogrammet. Soknet har fylgjande innspel til høyringa: PRIORITERING: Det er bra at regjeringen tek tak i det store behovet for vedlikehald på kyrkjene våre. 1.1 Å prioritere mellomalder- og listeførte kyrkjer er ei grei avgrensing. Utan denne avgrensinga blir pengane strødd for tynt utover. 1.2 Uavhengig av vernestatus for kyrkjene må tette tak prioriterast! Forsikringsordningane er for dårlege på dette punktet, og lekkasjer av vatn er gjerne det som fører til ytterlegare skader og påfylgjande behov for reparasjonar. KOMPETANSE: Fellesråda må ha svært god kompetanse for å jobbe administrativt med vedlikehald av listeførte og verneverdige bygg. Då alle fellesråd ikkje har denne kompetansen, eller har økonomisk rom for å skaffe det, bør det setjast av midlar for å gje tilskot til stillingar. Eksempelvis kan fleire sokn/fellesråd i eit distrikt (prosti) med listeførte og verna kyrkjer gå saman om ei prosjektstilling med økonomisk støtte frå bevaringsprogrammet. ØKONOMISK FORDELING: Me meiner det framlagte forslaget kring økonomisk stønad kan ha nokre uheldige konsekvensar: 3.1 Dei fleste vedlikehaldsprosjekta for vanlege kyrkjebygg i mindre kommuner vil halde seg godt under 30 millionar. At dei store prosjekta der også kommunene har betydeleg betre økonomi skal ha prosentvis så mykje betre støtte gjev tilskotsordninga ein dårleg profil. Den norske kyrkja skal vera landsekkande, og dei små kommunene må få tilstrekkeleg støtte til å ivareta sine bygg på lik linje som dei store. Difor må ordninga endrast slik at det blir eit betre tilhøve mellom stor og liten – by og land. Slik ordninga no er lagt opp vil kommunen -ofte dei små kommunene- få ein for stor andel å handtere. Å pålegge kommunen ein så stor del vil ikkje føre til velvilje frå kommunen til å fullføre finansieringa, snarare tvert imot. 3.2 Med ordninga det er lagt opp til er det ein viss fare for at eigarane av kyrkjene sløyfer vedlikehaldet for ei tid, og samlar opp slik at vedlikehaldet blir større med den økonomiske fordelen at den statlege andelen aukar. På den måten kan det føre til at ordninga verkar mot sin hensikt. 3.3 Ein tildeling på kun 15% for prosjekt inntil 10 millionar pålegg kommunene for store utgifter. Gol og Herad sokn foreslår eit tilskot på 50% frå vedlikehaldsprogrammet uansett storleik på prosjektet. Det er ein prosentdel som vil føre til at kommunen vil sjå med mildare auge på bevaringsstrategien for kyrkjene. Barne- og familiedepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
