Dato: 14.03.2024 Svartype: Med merknad Vennligst bruk denne versjonen pga. formatteringsfeil i første versjon ! Sol Smolt AS 6924 HARDBAKKE Høyringssvar « Forskrift om kapasitetsjusteringer for tillatelser til akvakultur med matfisk i sjø av laks, ørret og regnbueørret i 2024 » Innleiing Onsdag 6. mars kunngjorde Fiskeri- og havministeren at Produksjonsområde 4, Nordhordland til Stadt (PO4), vert vurdert til raudt lys i reguleringa av produksjonskapasitet i havbruksnæringa. Dette betyr 6 % nedtrekk i produksjonsvolum og vert det tredje nedtrekket på rad i produksjonsområdet. Til saman vil næringa i dette området då ha fått inndrege 18 % av sin produksjonskapasitet. Avgjerda var overraskande for dei fleste som har fylgt med på desse prosessane, då området var vurdert som gult i 2023. Lusetala i oppdrettsanlegga har vore vesentleg lågare enn tidlegare år og næringa har lukkast bra med tiltaka sine. Frå 2017 til 2023 har luse-reduksjonen vore på heile 42 % i månadane med utvandrande smolt frå lakseelvane. Frå tidlegare tilfelle (2020) veit ein at ei positiv utvikling har gjeve gult lys. Det var også venta av mange at departementet ville unngå å trekke inn produksjonsvolum denne gangen, fordi Havbruksutvalet nyleg konkluderte i sin rapport med at nedtrekk er eit lite målretta verkemiddel. Utvalet, der Havforskingsinstituttet var medverkande, oppmoda til at ein må kome fram til andre metodar for å minske påverknaden på vill laksefisk. Statsråden har også lagt vekt på at ein har nytta områdespesifikke vurderingar av tilstanden til elvane i Sogn for årets konklusjon om rødt lys. Dette er eit nytt vurderingskriterium og inneber ei betydeleg endring av systemet Stortinget har vedteke. Slike endringar, som er «nytt av året» gjev ikkje gode føreseielege vilkår for næringa. Som grunngjeving for nedtrekket blir det også feilaktig hevda, og lagt til grunn, at det må være 2 år med gul tilstand før ein slepp rød sone og nedtrekk. Dette bryt med tidlegare praksis der positiv utvikling frå rødt til gult har kvalifisert til gult lys og ingen nedtrekk. Konsekvensane av dette tredje nedtrekket vil vere omfattande. Særskilt rammar dette lokale aktørar i regionen, både matfiskprodusenter, smoltanlegg, slakterier og andre leverandørar til næringa. Lokale selskap som driftar innanfor PO4 blir hardast råka, medan store selskap som har drift langs heile kysten kan tilpasse seg langt lettare. Sol Smolt AS er ein liten smoltprodusent i Solund kommune. Vi produserer årleg 500.000 smolt som blir levert til Sulefisk AS heimehørande i same kommune. Sol Smolt har eit prosjekt for å utvide og modernisere produksjonen til 1,2 mill smolt pr år. Det totale nedtrekket som Sulefisk AS nå har fått (18%) utgjer ein reduksjon på ca 200.000 smolt årleg og setter heile investeringa på spel. Også andre matfiskprodusenter i PO4 får same reduksjon i sin produksjon, slik at det ikkje er noe alternativ å levere meir smolt til andre kunder i vårt område. Tap av arbeidsplassar og aktivitet, vil gå ut over leverandørbedrifter og kommunane, i form av tap i sysselsetjing og busetnad. Potensialet for ei positiv utvikling kan bli snudd til nedbygging. Det er også slik at det skal leggast til grunn at negative samfunnskonsekvensar av denne størrelse skal takast med i vurderinga om nedtrekk eller ikkje. Det er nedfelt i Stortinget sitt vedtak at dei samfunnsøkonomiske sidene av eit nedtrekk skal takast omsyn til når eit område står mellom raudt og gult. Dette bør absolutt vege tungt no ved eit tredje nedtrekk. Ein bør ta eit steg til sides og gjere ei grundig utgreiing av konsekvensane for regionen og lokalsamfunna før ein gjennomfører eit så inngripande tiltak. I tillegg til å stanse årets nedtrekk er det viktig at allereie inndratt volum blir gjort tilgjengeleg for produsentane som har god kontroll på lusesituasjonen. Trafikklyssystemet må gjennomgåast og evaluerast som ein del av arbeidet med ny havbruksmelding som skal komme i 2025. Utkast til « Forskrift om kapasitetsjusteringer for tillatelser til akvakultur med matfisk i sjø av laks, ørret og regnbueørret i 2024 » er no på høyring. Med bakgrunn i dei negative samfunnsmessige verknadane av eit nedtrekk og Havbruksutvalet sin konklusjon om at nedtrekk er eit lite målretta verkemiddel kjem vi med endringsforslag til forskrifta. Konklusjon: Forslag til endring av kapsitetsjusteringsforskriften 2024: 5. Virkningstidspunkt for justering av kapasitet Tilbakestilling av utnyttelsesgrad for tillatelseskapasitet gjelder fra denne forskriftens ikrafttredelse. Nedjustering av utnyttelsesgrad for tillatelseskapasitet blir satt på hold i påvente av nye retningslinjer som måtte komme når Stortinget behandler ferdig den kommende Havbruksmeldingen (våren 2025 ). Med vennlig hilsen SOL SMOLT AS v/styreleiar Jan-Emil Johannessen Tlf. 900 71 585 jan-emil@jawendel.no Nærings- og fiskeridepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
