Dato: 02.10.2025 Svartype: Med merknad Statsforvaltaren i Vestland viser til brev av 22. august 2025 om høyring av forslag til forskrift om tilskudd til klimarådgivning. Formålet med tilskotet er i følgje forskrifta å stimulere til at jordbruksføretak mottek rådgjeving som gjev auka kunnskap om klimagassutslepp, utsleppsreduserande tiltak, opptak og lagring av karbon og klimatilpassing i jordbruksproduksjonen. Tilskotet er tilnærma uendra frå slik det har vore i oppstartsåra, med berre nokre små forvaltningsmessige endringar, mellom anna å hente inn meir data til statistikk. Vi meiner Landbruks- og matdepartementet og Landbruksdirektoratet bør utnytte denne omlegginga til å òg gjere endringar som gjer at vi får meir aktivitet og når fleire bønder med kunnskap om klima. Å halde fram med ordninga slik den er utforma i dag, er for lite ambisiøst og får ikkje rådgjevingsarbeidet framover. Det kan det verke som det er ønskjeleg å halde eit lågt trykk på rådgjevinga, fordi det er få rådgjevarar. Vi opplever ikkje at for få rådgjevarar er ein flaskehals, men at det er for lite etterspurnad blant bøndene etter rådgjeving. Det kan vere fleire årsaker til manglande etterspurnad, men for lite kunnskap om klima generelt og låg tiltru til klimakalkulatoren kan vere nokre årsaker. Sidan klimakalkulatoren ikkje tek med alt som påverkar klimaet i positiv retning, til dømes bruk av utmarksbeite og pleie av skog, er det ein del som ikkje har tiltru til kalkulatoren og difor ikkje vil ta den i bruk. Dei ønskjer ikkje å «teste» kor klimavenleg drifta si er, for så å komme fram med eit tal som kanskje er dårlegare enn om alle tiltaka deira telte med. For å auka bruken og tiltrua til klimakalkulatoren, bør det difor setjast inn ei ekstra innsats på å forbetre den. I tillegg foreslår vi at ein senkar terskelen for å auke kunnskapen hjå bøndene ved å tilby eit introduksjonskurs om klimagassutslepp, utsleppsreduserande tiltak, opptak og lagring av karbon og klimatilpassing i jordbruksproduksjonen. Kurset kan vere standardisert i tid og innhald og bli halde av klimarådgjevarane. For å gjere kurset lett tilgjengeleg, kan det haldast i forum der bøndene er van med å møtast, til dømes møter i regi av Bondelaget, Småbrukarlaget, Sau og geit, fruktlageret, landbrukskontoret, Norsk landbruksrådgiving osb. Klimarådgjevaren søkjer om tilskot til gjennomføring av møtet, med ein sats pr møte, uavhengig av antall tilhøyrarar. Dette kan gje mange bønder ein introduksjon til klima og klimaarbeidet, nødvendig kunnskap for å ønske å gjere noko sjølv og dermed auke motivasjonen til sjølv å be om klimarådgjeving. Vi forslår ein tretrinnsmodell med introduksjonskurs, klimarådgjeving og oppfølgingssamtaler, der klimarådgjevaren søkjer om tilskot for introduksjonskurset og bonden søkjer om tilskot til klimarådgjeving og oppfølgingssamtaler. Ved omlegginga av tilskotet, vil bøndene no kunne søkje om tilskotet større deler av året og det vert utbetaling fleire gonger om året. Vi meiner at dette ikkje vil utgjere ein stor endring i motivasjonen til bøndene. Dei er van med å vente på pengar og ha få utbetalingar i året. Det er likevel ein fordel om dei kan leggje inn søknad om tilskot fortløpande, så slepp søkjarane å hugse på å levere søknaden i eit søknadsvindauga. Vi støtter forslaget om at sakshandsaming og utbetaling av tilskotet vert samla opp til tre gonger i året for å gjere det mest mogleg effektivt for forvaltninga. Landbruks- og matdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
