Høyringsfråsegn – forslag til endringar i lov og forskrift om høgare yrkesfagleg utdanning
Styret ved Fagskulen Vestland viser til høyringsnotat datert 22.06.2023 om forslag til endringar i lov og forskrift om høgare yrkesfagleg utdanning. Styret takkar for moglegheita til å få komme med høyringsfråsegn.
Styret er godt nøgd med departementet sine forslag til endringar, og har tillit til at endringane vil styrkje fagskulesektoren ytterlegare.
Styret ved Fagskulen Vestland vil med dette nytte anledninga til å kommentere dei enkelte kapitla i høyringsnotatet.
Institusjonsakkreditering
Styret ved Fagskulen Vestland er svært positive til at departementet vil opne opp for at fagskular kan søkje om institusjonsakkreditering. Styret meiner at institusjonsakkreditering er det naturlege neste steget for ein sektor i sterk vekst, og med fleire godt etablerte fagskular. Fagskulen Vestland har, gjennom langvarig og tett samarbeid med arbeidslivet, erfart at behovet for raskt å kunne opprette nye utdanningar har vorte større. Ei institusjonsakkreditering vil gje fagskulane moglegheit til raskare å etablere utdanningar i takt med arbeidslivet sitt behov for kompetanse.
Styret ved Fagskulen Vestland er samd i at det vil vere naudsynt å måtte stille særskilde vilkår for institusjonsakkreditering og at nærmare vilkår og kriterium, samt reglar for tilsyn, bør fastsetjast i forskrift, på same måte som øvrige akkrediteringsordningar i høgare yrkesfagleg utdanning. Styret støttar forslaget om at departementet får heimel til å fastsetje vilkår og kriterium i forskrift, og for NOKUT til å fastsetje utfyllande føresegner.
Styret ved Fagskulen Vestland meiner at departementet bør leggje vekt på følgjande ved institusjonsakkreditering:
Unntak frå reglane i fagskulelova
Styret ved Fagskulen Vestland støttar forslaget om at departementet kan opne opp for permanente unntak frå reglane i fagskulelova. Styret legg til grunn at terskelen for unntak vil vere høg, og at unntaka berre vil gjelde for heilt spesielle fagskuleutdanningar som ikkje kan gjennomførast utan unntak frå regelverket. Styret støttar departementet sitt forslag om å regulere eit generelt unntak frå lova, og ikkje eit særskilt unntak for Forsvarets fagskuleutdanningar.
Styret ved Fagskulen Vestland støttar forslaget om at departementet kan fastsetje spesielle opptakskrav og krav som skal gjelde under fagskuleutdanninga i forskrift, samt forskrift om saksbehandlinga i desse sakene.
Dispensasjon frå kravet om fullført og bestått vidaregåande opplæring for opptak til fagskuleutdanning
Styret ved Fagskulen Vestland støttar forslaget om å opne opp for dispensasjon frå kravet om fullført og bestått vidaregåande opplæring for opptak til fagskuleutdanning, for å hindre urimeleg behandling av enkeltsøkjarar. Styret legg til grunn at unntaksregelen vil vere snever, og berre kan nyttast der heilt spesielle omsyn gjer seg gjeldande.
Permisjon og forbod mot gjengjelding ved varsling
Styret ved Fagskulen Vestland støttar forslaget om å innføre ein generell, nasjonal regel om rett til permisjon frå studiet. Styret støttar òg forslaget om at det vert innført ein regel om at studentane har rett til å varsle om kritikkverdige forhold ved fagskulen, og eit forbod mot gjengjelding ved varsling. Styret ved Fagskulen Vestland støttar at fagskulelova § 28 vert kjønnsnøytral, ved å bytte ut «far» med «barnets andre forelder».
Styret ved Fagskulen Vestland støttar forslaget om at definisjonen av omgrepet «akkreditering» vert endra til «[…] et vedtak basert på en faglig vurdering av om en institusjon eller et studietilbud oppfyller standardene og kriteriene som er fastsatt i eller med hjemmel i denne loven».
Styret ved Fagskulen Vestland støttar forslaget om å flytte heimelen til å ileggje søknadskarantene ved avvising eller avslag på søknad om akkreditering, og tilbaketrekking av akkreditering, frå fagskuleforskrifta til fagskulelova.
Styret ved Fagskulen Vestland støttar forslaget om å klargjere fagskulelova § 9 tredje ledd bokstav f, slik at styret si plikt til å sørgje for at verksemda vert drive i samsvar med gjeldande lovar og reglar også inkluderer ein systematisk kontroll med vilkåra for akkreditering, som del av fagskulen sitt interne kvalitetsarbeid.
Styret ved Fagskulen Vestland støttar forslaget om å klargjere departementet si myndigheit til å gje forskrift om akkreditering, tilsyn og kvalitetssikring av fagskuleutdanningar i fagskulelova § 5.
NOKUTs tilsyn og saksbehandlingsreglar
Styret ved Fagskulen Vestland støttar forslaget om at dei grunnleggjande premissane for NOKUTs tilsynsverksemd vert samla i ny § 5 a i fagskulelova. Styret støttar òg forslaget om at fagskulane si bistands- og opplysningsplikt vert flytta frå fagskuleforskrifta til ny § 5 a, og at NOKUT får heimel i lovføresegna til å påleggje retting ved manglar.
Styret ved Fagskulen Vestland støttar forslaget om å flytte NOKUTs heimel til å vedta bortfall av retten til å få behandla søknad om akkreditering og retten til å opprette nye utdanningar frå fagskuleforskrifta til ny § 5 a. Styret støttar derimot ikkje forslaget i ny § 5 a tredje ledd andre punktum om at midlertidig vedtak om bortfall av rettar kan fattast « samtidig » som fagskulen får pålegg om retting. Etter dagens reglar kan NOKUT først fatte vedtak dersom NOKUT, ved nytt tilsyn etter opprettingsfristen, finn at forholda ved fagskulen framleis ikkje er tilfredsstillande, jf. fagskuleforskrifta §§ 49 og 50. Styret meiner dagens ordning bør vidareførast i ny § 5 a, og at vedtak om bortfall av retten til å få behandla søknad om akkreditering og retten til å opprette nye utdanningar berre kan treffast etter utlaupet av ein fastsett rettefrist. Denne ordninga vil også vere i samsvar med gjeldande § 3-1 og forslaget til ny § 3-6 i universitets- og høgskulelova.
Styret ved Fagskulen Vestland støttar forslaget om at heimelen for NOKUTs sanksjonsvedtak skal vere ei «kan-føresegn», og at fagskulen sin rett til å krevje nytt tilsyn vert flytta frå fagskuleforskrifta til ny § 5 a i fagskulelova. Styret støttar òg forslaget om å flytte heimelen for tilbaketrekking av akkreditering frå fagskulelova § 5 til ny § 5 a, og forslaget om å presisere at NOKUTs åtgang til å trekkje tilbake akkrediteringar skal gjelde for alle typar av tilsyn og akkrediteringar.
Styret ved Fagskulen Vestland støttar forslaget om å fastsetje ein eigen paragraf i fagskulelova om studiepoeng, kor innhaldet frå dagens reglar i fagskulelova § 17 andre ledd og fagskuleforskrifta § 39 vert samla.
Det er viktig for styret å understreke at studiepoeng frå fagskular skal vere likeverdig med studiepoeng frå universitet og høgskular, og at dette bør gå klart fram av regelverket. Statusen til studiepoeng frå fagskular er, etter styret si meining, ikkje i stor nok grad anerkjend i UH-sektoren.
Vilkår for treårig fagskuleutdanning
Styret ved Fagskulen Vestland støttar forslaget om å klargjere innhaldet i fagskulelova § 4 a om departementet si myndigheit til å fastsetje forskrift om vilkår for fagskuleutdanningar mellom 120 og 180 studiepoeng.
Skikkaheit og skikkanemnd
Styret ved Fagskulen Vestland støttar forslaget om å endre fagskulelova § 26 første ledd om skikkaheit og skikkavurdering, og å samle departementet sine forskriftsheimlar i fagskulelova § 26 femte ledd.
Falske dokument ved søknad om opptak og om godkjenning av utanlandsk utdanning
Styret ved Fagskulen Vestland støttar forslaget om å klargjere kva reglar som skal gjelde ved bruk av falske dokument ved søknad om godkjenning av utanlandsk fagskuleutdanning etter fagskulelova § 7 og ved opptak til fagskuleutdanningar etter fagskulelova § 16 a, samt tillegget i fagskuleforskrifta § 43.
Behandling av personopplysningar
Styret ved Fagskulen Vestland støttar forslaget om å ha ei overordna regulering med heimel til å behandle personopplysningar i fagskulelova og å behalde detaljreguleringa i fagskuleforskrifta, samt å gje departementet heimel til å fastsetje forskrift om behandling av personopplysningar i fagskulelova. Styret støttar endringane i reglane for behandling av sensitive personopplysningar.
Økonomiske og administrative konsekvensar
Fagskulesektoren har lenge vore i sterk endring, med stadig nye og strengare krav til drift av fagskulane. Styret ved Fagskulen Vestland ser positivt på at fagskulestudentane har fått styrkte rettar på fleire sentrale område, og at krava til kvalitetssystem o.l. har vorte høgare.
Styret vil likevel gjere merksam på at finansieringa til fagskulesektoren ikkje har auka, sjølv om krava til sektoren vert stadig fleire og meir omfattande. Særleg har endringane dei siste åra vore økonomisk og ressursmessig krevjande for administrasjonen, samstundes som finansieringa til administrasjon har vore uendra. Fagskulane vil særleg bruke store ressursar i arbeidet med søknad om institusjonsakkreditering og i arbeidet med å akkreditere utdanningar sjølv, samstundes som ordninga med institusjonsakkreditering vil redusere kostnadane for NOKUT og departementet. Styret ved Fagskulen Vestland stiller seg derfor uforståande til at dei økonomiske og administrative konsekvensane av forslaga ikkje gjev seg utslag i auka budsjettrammer for fagskulesektoren.
Styret ved Fagskulen Vestland viser til høyringsnotat datert 22.06.2023 om forslag til endringar i lov og forskrift om høgare yrkesfagleg utdanning. Styret takkar for moglegheita til å få komme med høyringsfråsegn.
Styret er godt nøgd med departementet sine forslag til endringar, og har tillit til at endringane vil styrkje fagskulesektoren ytterlegare.
Styret ved Fagskulen Vestland vil med dette nytte anledninga til å kommentere dei enkelte kapitla i høyringsnotatet.
Institusjonsakkreditering
Styret ved Fagskulen Vestland er svært positive til at departementet vil opne opp for at fagskular kan søkje om institusjonsakkreditering. Styret meiner at institusjonsakkreditering er det naturlege neste steget for ein sektor i sterk vekst, og med fleire godt etablerte fagskular. Fagskulen Vestland har, gjennom langvarig og tett samarbeid med arbeidslivet, erfart at behovet for raskt å kunne opprette nye utdanningar har vorte større. Ei institusjonsakkreditering vil gje fagskulane moglegheit til raskare å etablere utdanningar i takt med arbeidslivet sitt behov for kompetanse.
Styret ved Fagskulen Vestland er samd i at det vil vere naudsynt å måtte stille særskilde vilkår for institusjonsakkreditering og at nærmare vilkår og kriterium, samt reglar for tilsyn, bør fastsetjast i forskrift, på same måte som øvrige akkrediteringsordningar i høgare yrkesfagleg utdanning. Styret støttar forslaget om at departementet får heimel til å fastsetje vilkår og kriterium i forskrift, og for NOKUT til å fastsetje utfyllande føresegner.
Styret ved Fagskulen Vestland meiner at departementet bør leggje vekt på følgjande ved institusjonsakkreditering:
Unntak frå reglane i fagskulelova
Styret ved Fagskulen Vestland støttar forslaget om at departementet kan opne opp for permanente unntak frå reglane i fagskulelova. Styret legg til grunn at terskelen for unntak vil vere høg, og at unntaka berre vil gjelde for heilt spesielle fagskuleutdanningar som ikkje kan gjennomførast utan unntak frå regelverket. Styret støttar departementet sitt forslag om å regulere eit generelt unntak frå lova, og ikkje eit særskilt unntak for Forsvarets fagskuleutdanningar.
Styret ved Fagskulen Vestland støttar forslaget om at departementet kan fastsetje spesielle opptakskrav og krav som skal gjelde under fagskuleutdanninga i forskrift, samt forskrift om saksbehandlinga i desse sakene.
Dispensasjon frå kravet om fullført og bestått vidaregåande opplæring for opptak til fagskuleutdanning
Styret ved Fagskulen Vestland støttar forslaget om å opne opp for dispensasjon frå kravet om fullført og bestått vidaregåande opplæring for opptak til fagskuleutdanning, for å hindre urimeleg behandling av enkeltsøkjarar. Styret legg til grunn at unntaksregelen vil vere snever, og berre kan nyttast der heilt spesielle omsyn gjer seg gjeldande.
Permisjon og forbod mot gjengjelding ved varsling
Styret ved Fagskulen Vestland støttar forslaget om å innføre ein generell, nasjonal regel om rett til permisjon frå studiet. Styret støttar òg forslaget om at det vert innført ein regel om at studentane har rett til å varsle om kritikkverdige forhold ved fagskulen, og eit forbod mot gjengjelding ved varsling. Styret ved Fagskulen Vestland støttar at fagskulelova § 28 vert kjønnsnøytral, ved å bytte ut «far» med «barnets andre forelder».
Styret ved Fagskulen Vestland støttar forslaget om at definisjonen av omgrepet «akkreditering» vert endra til «[…] et vedtak basert på en faglig vurdering av om en institusjon eller et studietilbud oppfyller standardene og kriteriene som er fastsatt i eller med hjemmel i denne loven».
Styret ved Fagskulen Vestland støttar forslaget om å flytte heimelen til å ileggje søknadskarantene ved avvising eller avslag på søknad om akkreditering, og tilbaketrekking av akkreditering, frå fagskuleforskrifta til fagskulelova.
Styret ved Fagskulen Vestland støttar forslaget om å klargjere fagskulelova § 9 tredje ledd bokstav f, slik at styret si plikt til å sørgje for at verksemda vert drive i samsvar med gjeldande lovar og reglar også inkluderer ein systematisk kontroll med vilkåra for akkreditering, som del av fagskulen sitt interne kvalitetsarbeid.
Styret ved Fagskulen Vestland støttar forslaget om å klargjere departementet si myndigheit til å gje forskrift om akkreditering, tilsyn og kvalitetssikring av fagskuleutdanningar i fagskulelova § 5.
NOKUTs tilsyn og saksbehandlingsreglar
Styret ved Fagskulen Vestland støttar forslaget om at dei grunnleggjande premissane for NOKUTs tilsynsverksemd vert samla i ny § 5 a i fagskulelova. Styret støttar òg forslaget om at fagskulane si bistands- og opplysningsplikt vert flytta frå fagskuleforskrifta til ny § 5 a, og at NOKUT får heimel i lovføresegna til å påleggje retting ved manglar.
Styret ved Fagskulen Vestland støttar forslaget om å flytte NOKUTs heimel til å vedta bortfall av retten til å få behandla søknad om akkreditering og retten til å opprette nye utdanningar frå fagskuleforskrifta til ny § 5 a. Styret støttar derimot ikkje forslaget i ny § 5 a tredje ledd andre punktum om at midlertidig vedtak om bortfall av rettar kan fattast « samtidig » som fagskulen får pålegg om retting. Etter dagens reglar kan NOKUT først fatte vedtak dersom NOKUT, ved nytt tilsyn etter opprettingsfristen, finn at forholda ved fagskulen framleis ikkje er tilfredsstillande, jf. fagskuleforskrifta §§ 49 og 50. Styret meiner dagens ordning bør vidareførast i ny § 5 a, og at vedtak om bortfall av retten til å få behandla søknad om akkreditering og retten til å opprette nye utdanningar berre kan treffast etter utlaupet av ein fastsett rettefrist. Denne ordninga vil også vere i samsvar med gjeldande § 3-1 og forslaget til ny § 3-6 i universitets- og høgskulelova.
Styret ved Fagskulen Vestland støttar forslaget om at heimelen for NOKUTs sanksjonsvedtak skal vere ei «kan-føresegn», og at fagskulen sin rett til å krevje nytt tilsyn vert flytta frå fagskuleforskrifta til ny § 5 a i fagskulelova. Styret støttar òg forslaget om å flytte heimelen for tilbaketrekking av akkreditering frå fagskulelova § 5 til ny § 5 a, og forslaget om å presisere at NOKUTs åtgang til å trekkje tilbake akkrediteringar skal gjelde for alle typar av tilsyn og akkrediteringar.
Styret ved Fagskulen Vestland støttar forslaget om å fastsetje ein eigen paragraf i fagskulelova om studiepoeng, kor innhaldet frå dagens reglar i fagskulelova § 17 andre ledd og fagskuleforskrifta § 39 vert samla.
Det er viktig for styret å understreke at studiepoeng frå fagskular skal vere likeverdig med studiepoeng frå universitet og høgskular, og at dette bør gå klart fram av regelverket. Statusen til studiepoeng frå fagskular er, etter styret si meining, ikkje i stor nok grad anerkjend i UH-sektoren.
Vilkår for treårig fagskuleutdanning
Styret ved Fagskulen Vestland støttar forslaget om å klargjere innhaldet i fagskulelova § 4 a om departementet si myndigheit til å fastsetje forskrift om vilkår for fagskuleutdanningar mellom 120 og 180 studiepoeng.
Skikkaheit og skikkanemnd
Styret ved Fagskulen Vestland støttar forslaget om å endre fagskulelova § 26 første ledd om skikkaheit og skikkavurdering, og å samle departementet sine forskriftsheimlar i fagskulelova § 26 femte ledd.
Falske dokument ved søknad om opptak og om godkjenning av utanlandsk utdanning
Styret ved Fagskulen Vestland støttar forslaget om å klargjere kva reglar som skal gjelde ved bruk av falske dokument ved søknad om godkjenning av utanlandsk fagskuleutdanning etter fagskulelova § 7 og ved opptak til fagskuleutdanningar etter fagskulelova § 16 a, samt tillegget i fagskuleforskrifta § 43.
Behandling av personopplysningar
Styret ved Fagskulen Vestland støttar forslaget om å ha ei overordna regulering med heimel til å behandle personopplysningar i fagskulelova og å behalde detaljreguleringa i fagskuleforskrifta, samt å gje departementet heimel til å fastsetje forskrift om behandling av personopplysningar i fagskulelova. Styret støttar endringane i reglane for behandling av sensitive personopplysningar.
Økonomiske og administrative konsekvensar
Fagskulesektoren har lenge vore i sterk endring, med stadig nye og strengare krav til drift av fagskulane. Styret ved Fagskulen Vestland ser positivt på at fagskulestudentane har fått styrkte rettar på fleire sentrale område, og at krava til kvalitetssystem o.l. har vorte høgare.
Styret vil likevel gjere merksam på at finansieringa til fagskulesektoren ikkje har auka, sjølv om krava til sektoren vert stadig fleire og meir omfattande. Særleg har endringane dei siste åra vore økonomisk og ressursmessig krevjande for administrasjonen, samstundes som finansieringa til administrasjon har vore uendra. Fagskulane vil særleg bruke store ressursar i arbeidet med søknad om institusjonsakkreditering og i arbeidet med å akkreditere utdanningar sjølv, samstundes som ordninga med institusjonsakkreditering vil redusere kostnadane for NOKUT og departementet. Styret ved Fagskulen Vestland stiller seg derfor uforståande til at dei økonomiske og administrative konsekvensane av forslaga ikkje gjev seg utslag i auka budsjettrammer for fagskulesektoren.