Høringssvar NOU 2023: 11 Raskt og riktig
Vestland fylkeskommune viser til høyringsbrev frå Arbeids- og inkluderingsdepartementet dagsett 4. mai 2023, og gjev slik høyringsuttale:
1. Vestland fylkeskommune er positiv til at Klage- og ankeutvalet har sett på klage- og ankesystemet i heilskap, og verdsett at det blir sett fokus på utfordringane innanfor eit system som omfattar så mange brukarar, tilsette og eit så stort budsjett. Vestland fylkeskommune meiner dette har ført til at viktige rettstryggleiksspørsmål har kome tydelegare fram i utgreiinga. Vestland fylkeskommune vil særleg peike på Klage- og ankeutvalet si bekymring for tilliten til Nav-systemet, og som Vestland fylkeskommune er samd i at er grunnleggjande for at systemet skal fungere.
2. Vestland fylkeskommune meiner Klage- og ankeutvalet si utgreiing peikar på sentrale tema og viktige rettstryggleiksproblemstillingar som det er nødvendig å følgje opp og arbeide vidare med. Vestland fylkeskommune meiner det er viktig å sikre rettstryggleiken til brukarane samtidig som sakshandsamingstid og antal overprøvingar vert redusert, og stiller seg bak føreslegne tiltak.
3. Vestland fylkeskommune støttar utvalet sitt initiativ til å gjennomgå sakshandsamingsreglane på Nav sitt myndigheitsområde generelt, og har ingen innvendingar mot utvalet sitt forslag om regulering av sakshandsamingsreglar i folketrygdloven kapittel 21. Etter Vestland fylkeskommune sitt syn er det naturleg at desse særreguleringane har plass i folketrygdloven, som er den sentrale lovreguleringa på området.
4. Vestland fylkeskommune meiner utvalet sitt forslag til tiltak for å avgrense førsteinstansen sin tidsbruk i klagesak og klageinstansen sin tidsbruk ved søksmål er godt og velovervegd. Utvalet har presentert ei grundig og nyansert vurdering med argument både for og imot å fjerne omgjeringsvurderingane frå førsteinstansen og NAV Klageinstans. Vestland fylkeskommune vurderer argumenta for å fjerne omgjeringsvurderingane som rasjonelle og logiske. Vestland fylkeskommune meiner at tre fullstendige og sjølvstendige vurderingar er tilstrekkeleg til å sikre brukarane sin rettstryggleik.
5. Vestland fylkeskommune støttar utvalet sine forslag til tiltak for å effektivisere sakshandsaminga i Trygderetten, mellom anna at retten som hovudregel skal setjast med ein juridisk kyndig dommar, og at grunngjevingane for dommar og orskurdar må tilpassast kvar enkelt sak.
6. Ei av innvendingane mot NAV er at folk med nedsette funksjonar eller i sårbare livssituasjonar (td grunna sjukdom, psykiske lidingar og/eller rus) har vanskar med å ivareta eigne interesser opp mot systemet. Vestland fylke meiner det er for lite drøfta i utgreiinga korleis dei betre kan få hjelp med det, og ber om at det blir vektlagt i vidare arbeid. Vestland fylkeskommune vil og understreka at barneperspektivet og barns rettar i NAV blir styrka. NAV- kontora må skaffe seg betre kunnskap om korleis barna har det når foreldre ber om hjelp.
1. Vestland fylkeskommune er positiv til at Klage- og ankeutvalet har sett på klage- og ankesystemet i heilskap, og verdsett at det blir sett fokus på utfordringane innanfor eit system som omfattar så mange brukarar, tilsette og eit så stort budsjett. Vestland fylkeskommune meiner dette har ført til at viktige rettstryggleiksspørsmål har kome tydelegare fram i utgreiinga. Vestland fylkeskommune vil særleg peike på Klage- og ankeutvalet si bekymring for tilliten til Nav-systemet, og som Vestland fylkeskommune er samd i at er grunnleggjande for at systemet skal fungere.
2. Vestland fylkeskommune meiner Klage- og ankeutvalet si utgreiing peikar på sentrale tema og viktige rettstryggleiksproblemstillingar som det er nødvendig å følgje opp og arbeide vidare med. Vestland fylkeskommune meiner det er viktig å sikre rettstryggleiken til brukarane samtidig som sakshandsamingstid og antal overprøvingar vert redusert, og stiller seg bak føreslegne tiltak.
3. Vestland fylkeskommune støttar utvalet sitt initiativ til å gjennomgå sakshandsamingsreglane på Nav sitt myndigheitsområde generelt, og har ingen innvendingar mot utvalet sitt forslag om regulering av sakshandsamingsreglar i folketrygdloven kapittel 21. Etter Vestland fylkeskommune sitt syn er det naturleg at desse særreguleringane har plass i folketrygdloven, som er den sentrale lovreguleringa på området.
4. Vestland fylkeskommune meiner utvalet sitt forslag til tiltak for å avgrense førsteinstansen sin tidsbruk i klagesak og klageinstansen sin tidsbruk ved søksmål er godt og velovervegd. Utvalet har presentert ei grundig og nyansert vurdering med argument både for og imot å fjerne omgjeringsvurderingane frå førsteinstansen og NAV Klageinstans. Vestland fylkeskommune vurderer argumenta for å fjerne omgjeringsvurderingane som rasjonelle og logiske. Vestland fylkeskommune meiner at tre fullstendige og sjølvstendige vurderingar er tilstrekkeleg til å sikre brukarane sin rettstryggleik.
5. Vestland fylkeskommune støttar utvalet sine forslag til tiltak for å effektivisere sakshandsaminga i Trygderetten, mellom anna at retten som hovudregel skal setjast med ein juridisk kyndig dommar, og at grunngjevingane for dommar og orskurdar må tilpassast kvar enkelt sak.
6. Ei av innvendingane mot NAV er at folk med nedsette funksjonar eller i sårbare livssituasjonar (td grunna sjukdom, psykiske lidingar og/eller rus) har vanskar med å ivareta eigne interesser opp mot systemet. Vestland fylke meiner det er for lite drøfta i utgreiinga korleis dei betre kan få hjelp med det, og ber om at det blir vektlagt i vidare arbeid. Vestland fylkeskommune vil og understreka at barneperspektivet og barns rettar i NAV blir styrka. NAV- kontora må skaffe seg betre kunnskap om korleis barna har det når foreldre ber om hjelp.