Dato: 30.06.2023 Svartype: Med merknad Høyringssvar - forslag til endringar i lov 29. juni 2007 nr. 89 om offentlege styresmakters ansvar for kulturverksemd (kulturlova). Vi viser til høyringsbrev av 30.03.2023 om forslag til endringar i lov 29. juni 2007 nr. 89 om offentlege styresmakters ansvar for kulturverksemd (kulturlova). Arkivverket står oppført som høyringsinstans. Arkivverket sitt samfunnsoppdrag er å bidra til effektiv dokumentasjonsforvaltning og å sikre, bevare og tilgjengeliggjere eit bredt og allsidig utval av samfunnet sine arkiv. Som øvste arkivmyndigheit har Arkivverket ansvar for faglege standarder og retningsliner, tilsyn og rettleiing med offentleg arkivarbeid. Som bevaringsinstitusjon har Arkivverket ansvar for langtidslagring, tilgjengeliggjering og formidling av statlege arkiv og prioriterte private arkiv. Arkivverket skal også iverksette overordna nasjonal politikk på arkivfeltet, og bidra til utvikling og styrking av arkivsektoren. Arkivverket har ansvar for å koordinere og bidra til målretta utvikling av arbeidet med privatarkiv på tvers av forvaltningsnivå og bevaringsinstitusjonar. Målet er ein meir heilskapleg samfunnsdokumentasjon gjennom bevaring og tilgjengeliggjering av viktige privatarkiv frå heile landet. Merknadar frå Arkivverket Vi ynskjer å kome med nokre merknadar knytt til forslaget om nytt andre ledd i § 4. § 4 Fylkeskommunens og kommunens oppgåver Fylkeskommunen og kommunen skal syta for økonomiske, organisatoriske, informerande og andre relevante verkemiddel og tiltak som fremjar og legg til rette for eit breitt spekter av kulturverksemd regionalt og lokalt. Fylkeskommunen og kommunen skal ha oversikt over status og utviklingsbehov på kulturfeltet. Oversikta skal vere skriftleg Fylkeskommunen og kommunen skal i arbeidet sitt med planar etter plan- og bygningsloven kapittel 8 og 11 fastsetja overordna mål og strategiar for kulturfeltet. Måla og strategiane bør vere eigna til å møte dei utfordringane fylkeskommunen og kommunen står overfor med utgangspunkt i oversikten nevnt i første punktum. Arkivverket støttar forslaget om ei presisering og tydeliggjering av fylkeskommunens og kommunens oppgåver på kulturfeltet, slik det kjem fram i forslaget. Arkiva representerer den historiske og kulturelle forankringa til innbyggarane i Noreg, og dei er inngangen til å forstå vår eiga tid. Arkiva er ein viktig premissleverandør for eit opent og transparent demokrati, for rettssikkerheita til kvart enkelt menneske og for forvaltninga av den felles kulturarven vår. Der bevaring og formidling av dei offentlege arkiva ivaretakast og sikrast gjennom arkivlovgivinga, er arkiva fr å privat sektor avhengige av frivilligheit og prioriteringar både hos arkiveigar og bevaringsinstitusjon. Privatarkivfeltet er i dag eit ulovfesta politikkområde, no ko som gjer arbeidet med å sikre bevaring av private arkiv til ei stor utfordring. Sentralt i dette er det at feltet manglar ei forankring i lovverk for ansvarsdeling og samspel mellom forvaltningsnivåa. Det at dette manglar gjer arbeidsdelinga uklar og det er vanskeleg å iverksette politikk for å sikre ein heilskapleg samfunnsdokumentasjon. I 2019 foreslo Arkivlovutvalet å lovfeste ei slik ansvarsdeling mellom forvaltningsnivåa på privatarkivfeltet. Fylkeskommunen skulle få eit lovpålagt ansvar for å koordinere arbeidet med private arkiv av regional viktigheit og syte for langtidsbevaring av private arkiv av vesentleg regional viktigheit. Dette signalet blei raskt fanga opp av fylkeskommunane, og har ført til ein ny dynamikk i privatarkivarbeidet. Fleire fylkeskommuner har etter forslaget til lovutvalet satt i gang utredningar regionalt om korleis privatarkivarbeidet kan og bør organiserast framover og hatt dei oppe til politisk handsaming. Vi har også sett ei ny interesse for politisk handsaming av regionale bevaringsplanar for arkiv. Dette er svært positivt, og har ført til at privatarkiva, ofte for fyrste gong, har fått si rettmessige merksemd og handsaming i kommune- og fylkeskommunestyrer landet rundt. I forslaget til ny arkivlov frå 2021 vil Kultur- og likestillingsdepartementet like fullt vidareføre dagens ordning på privatarkivfeltet, der det ikkje er noko lovregulering av oppgåve- og ansvarsfordelinga mellom forvaltningsnivåa. Arkivverket er bekymra for at dette vil innebere at privatarkiv som regionalt politikk- og ansvarsfelt igjen vil bli nedprioritert. Dersom ansvaret for utvikling regionalt blir uklart, er det lett at den positive utviklinga vi har sett dei siste åra vil minimerast og i verste fall går motsett veg vidare. Arkivverket gav uttrykk for desse synspunktene også i høringen til ny arkivlov. Eit gjennomgåande trekk i dei regionale utredningane og bevaringsplanane som er blitt tatt opp til politisk handsaming er at dei ser på og løyser organiseringa av arkivarbeidet på ulike, fleksible måtar, og ein diskuterer også forskjellige samarbeidsløysingar, bl.a. med musea regionalt. Arkivverket ser difor ingen motsetning mellom eit nytt krav om skriftleg oversikt over status og utviklingsbehov på kulturfeltet og det å oppretthalde ein sjølvstendig regional kulturpolitkk utan for mykje statleg detaljstyring. Ei sterkare vektlegging av planlegging på kulturfeltet vil kunne sikre at kulturfeltet naturleg blir dradd inn i dei ordinære kommunale planprosessane og dermed ikkje tilsidesatt eller avgløymd når prioriteringslistene settast opp. At det i forslaget til endring av kulturlova no går enda klarare fram kva for oppgåver og plikter fylkeskommunen og kommunen skal ha på kulturfeltet, ser difor Arkivverket som svært positivt. Kultur- og likestillingsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
