Vi takkar for invitasjonen til å kome med innspel til NOU 2023:17 om forslag til ny modell for opptak til universitet og høgskular. Høgskulen i Volda (HVO) støttar forslaget som utvalet har lagt til grunn, men har nokre synspunkt som vi vel å knytte ein kommentar til.
Generell studiekompetanse som grunnlag for opptak
HVO støttar at generell studiekompetanse framleis skal vere hovudvegen inn. Vi støttar også den føreslegne endringa til 23/6-regel utan praksiskrav.
Spesielle opptakskrav – nivåkrav
HVO forstår argumenta for å fjerne nivåkrav, og ser det som positivt at ein større del av søkarane til lærarutdanning vil vere kvalifiserte. Samtidig vil vi påpeike at fjerning av nivåkrav kan føre til lågare inntakskvalitet, og ein konsekvens av dette vil kunne føre til auka ressursbehov for å sikre at så mange som mogleg oppnår eit godt nok læringsutbytte og fullfører utdanninga utan store forseinkingar.
HVO støttar i hovudsak den føreslegne løysinga med karakterkvote. Vi vil likevel påpeike at høg kvalitet og tillit til eksamen- og vurderingsordningane i den vidaregåande opplæringa er ein føresetnad for at modellen skal fungere.
Fjerning av poeng for fagval
HVO har blanda synspunkt til forslaget om å fjerne poeng for fagval. Fjerning av tilleggspoeng vil med stort sannsyn påverke rekrutteringa til programfagval innan realfag og språkfag. Ved eventuell fjerning av poenga, kan ein risikere at faga veljast bort av taktiske årsaker, då det kan vere knytt større risiko for lågare karakterpoeng for denne type programfag.
Supplerande kriterium
Utvalet føreslår at institusjonane kan nytte supplerande rangeringskriterium for å finne dei best eigna blant dei best kvalifiserte kandidatane. Utvalet anbefaler vidare at Kunnskapsdepartementet bør samarbeide med institusjonar og arbeidsliv om å lage rettesnorer som sikrar gode prosessar og påliteleg, gyldig og rettferdig vurdering av søkarane.
I samband med dette vil vi nemne at opptaksprøver og intervju som krev fysisk oppmøte kan vere uheldig med tanke på at ein slik praksis kan utløyse reising mellom bustad og studiestad. Dette kan føre til at både søkarar og institusjonar på mindre studiestader opplever at søking til studium med supplerande rangeringskriterium kan vere eit hinder. HVO ser at nasjonale føringar for kva tid og korleis ein kan krevje fysisk oppmøte bør vurderast av omsyn til studentane sin sosiale, geografiske og økonomiske situasjon.
Deltaking i Samordna opptak
Studium med oppstart på våren er ved HVO ikkje inkludert i Samordna opptak. Til desse studia har vi lokale opptak i november og desember. Vi har også nokre grunnstudium med oppstart i haustsemesteret som heller ikkje er med i Samordna opptak. Årsaka til dette er at vi treng å halde opptaket ope lenger enn til 15. april for å oppnå tilfredsstillande rekruttering. Dersom deltaking i Samordna opptak skal formaliserast i opptaksforskrifta, kan det dermed vere lurt å vurdere løysingar som gir institusjonane noko større fleksibilitet.
HVO støttar forslaget om å kunne gi tidleg svar til søkarar som allereie på søknadstidspunktet er kvalifiserte. Vi meiner at tidleg svar vil vere ein fordel for søkarane si planlegging. Vi ser også at dette kan få positiv effekt på kvaliteten på opptak og studiestart ved HVO.
Gerd-Mette Vatne Drabløs
Generell studiekompetanse som grunnlag for opptak
HVO støttar at generell studiekompetanse framleis skal vere hovudvegen inn. Vi støttar også den føreslegne endringa til 23/6-regel utan praksiskrav.
Spesielle opptakskrav – nivåkrav
HVO forstår argumenta for å fjerne nivåkrav, og ser det som positivt at ein større del av søkarane til lærarutdanning vil vere kvalifiserte. Samtidig vil vi påpeike at fjerning av nivåkrav kan føre til lågare inntakskvalitet, og ein konsekvens av dette vil kunne føre til auka ressursbehov for å sikre at så mange som mogleg oppnår eit godt nok læringsutbytte og fullfører utdanninga utan store forseinkingar.
HVO støttar i hovudsak den føreslegne løysinga med karakterkvote. Vi vil likevel påpeike at høg kvalitet og tillit til eksamen- og vurderingsordningane i den vidaregåande opplæringa er ein føresetnad for at modellen skal fungere.
Fjerning av poeng for fagval
HVO har blanda synspunkt til forslaget om å fjerne poeng for fagval. Fjerning av tilleggspoeng vil med stort sannsyn påverke rekrutteringa til programfagval innan realfag og språkfag. Ved eventuell fjerning av poenga, kan ein risikere at faga veljast bort av taktiske årsaker, då det kan vere knytt større risiko for lågare karakterpoeng for denne type programfag.
Supplerande kriterium
Utvalet føreslår at institusjonane kan nytte supplerande rangeringskriterium for å finne dei best eigna blant dei best kvalifiserte kandidatane. Utvalet anbefaler vidare at Kunnskapsdepartementet bør samarbeide med institusjonar og arbeidsliv om å lage rettesnorer som sikrar gode prosessar og påliteleg, gyldig og rettferdig vurdering av søkarane.
I samband med dette vil vi nemne at opptaksprøver og intervju som krev fysisk oppmøte kan vere uheldig med tanke på at ein slik praksis kan utløyse reising mellom bustad og studiestad. Dette kan føre til at både søkarar og institusjonar på mindre studiestader opplever at søking til studium med supplerande rangeringskriterium kan vere eit hinder. HVO ser at nasjonale føringar for kva tid og korleis ein kan krevje fysisk oppmøte bør vurderast av omsyn til studentane sin sosiale, geografiske og økonomiske situasjon.
Deltaking i Samordna opptak
Studium med oppstart på våren er ved HVO ikkje inkludert i Samordna opptak. Til desse studia har vi lokale opptak i november og desember. Vi har også nokre grunnstudium med oppstart i haustsemesteret som heller ikkje er med i Samordna opptak. Årsaka til dette er at vi treng å halde opptaket ope lenger enn til 15. april for å oppnå tilfredsstillande rekruttering. Dersom deltaking i Samordna opptak skal formaliserast i opptaksforskrifta, kan det dermed vere lurt å vurdere løysingar som gir institusjonane noko større fleksibilitet.
HVO støttar forslaget om å kunne gi tidleg svar til søkarar som allereie på søknadstidspunktet er kvalifiserte. Vi meiner at tidleg svar vil vere ein fordel for søkarane si planlegging. Vi ser også at dette kan få positiv effekt på kvaliteten på opptak og studiestart ved HVO.
Gerd-Mette Vatne Drabløs