Dato: 20.06.2025 Svartype: Med merknad Telemark fylkeskommune set pris på anledninga til å kome med innspel til forslaget om ny forskrift om forbud mot sal av energidrikk til barn under 16 år. Innspelet er administrativt utarbeidd og vedteke i Fylkestinget 19.juni 2025. Telemark fylkeskommune gir fylgjande uttale: Telemark fylkeskommune stør forslaget om at det blir innført aldersgrense på energidrikker. Telemark fylkeskommune stør departementets forslag om 16 års aldersgrense. Telemark fylkeskommune meiner at når vedtaket er endeleg gjort, må retningslinja for mat og måltid i grunnskule og vidaregåande skular blir oppdatert i samsvar med forskrifta. Telemark fylkeskommune vil understreke at dersom forbodet mot sal av energidrikk for barn under 16 år blir gjeldande, vil det vere viktig at vedtaket blir oppdatert i retningslinja for mat og måltid i grunnskule og for vidaregåande skule. Ifølgje opplæringslova §12-2 har alle elevar i grunnskulen og vidaregåande opplæring rett til eit godt fysisk og psykososialt miljø som fremjar helse, trivsel og læring. Per dags dato sel kantiner for ungdomsskular og vidaregåande skular mange ulike typar energidrikker, noko som gir uheldige signal når skulen skal vere ein arena som skal fremje helse, trivsel og læring. Høyringsnotatet seier fylgjande: «Barn i alderen 16 til 18 vil ikke omfattes ved innføring av en aldersgrense på 16 år. Enkelte barn i denne aldersgruppen har imidlertid et høyt forbruk av energidrikk, jf. omtale i kapittel 2. Departementet oppfordrer derfor bransjen, utdanningsinstitusjoner og andre aktører til å vurdere om de kan innføre egne tiltak for å begrense inntaket av energidrikk til barn mellom 16 og 18 år, f.eks. i videregående skoler.» Fylkeskommunen som eigar av dei vidaregåande skulane i Telemark, finn det uheldig at ansvaret på denne måten overlatast til den enkelte skule eller fylkeskommune. Helse- og omsorgsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
