Stiftinga Norsk Folkemuseum vil gjerne nytte høve til å gi høyringssvar på framlegget i høyringsnotatet.
Stiftinga Norsk Folkemuseum femner avdelingane Norsk Folkemuseum, Norsk Maritimt Museum, Eidsvoll1814, Bygdøy Kongsgård, Bogstad gard og Ibsenmuseet. Stiftinga mottek årlege tilskott frå Kulturdepartementet, og har eigeninntekter som utgjer om lag 40% av totalen på ca kr 250 millionar. Delen har auka monaleg dei seinare åra, men kan ha store variasjonar frå år til år. Eigeninntektene er i stor grad knytte til samfunnsoppdraget vårt, på same tid som dei har vore med å gi økonomisk rom for auka aktivitet. Aktiviteten i denne delen av verksemda er i stor grad integrert i andre delar av verksemda.
Våre merknader til høyringa er særleg knytt til kapittel 2, næringsverksemd. Dersom endringa som ligg i høyringsframlegget også skulle omfatte eksisterande stiftingar, vil det føre til omfattande ekstraarbeid i overgangsfasen. Det vil ikkje vere opplagt kva som eventuelt måtte leggjast i eige selskap med omsyn til kostnader (personal, lokale etc) kontra den delen som er knytt til hovudformålet med stiftinga. For museum som eventuelt blir omfatta av endringa vil det utgjere ei meirbelasting gjennom ulike krav til rapportering, eventuelt også til ulike offentlege organ. Med varierande inntekter og aktivitetar vil dette variere frå år til år, og endringa vil meirarbeid og byråkratisering. Alternativet vil kunne vere ei omdanning av stifting til AS, men også dette er eit ressurskrevjande arbeid med dagens regelverk.
Museum som mottek statstilskott leverer årleg reviderte rekneskap og årsberetning til Kulturrådet. Vi legg til grunn at ønsket om avbyråkratisering sikrar at det ikkje skal vere naudsynt å levere same materiale til fleire offentlege instansar, men at det skjer ei samordning.
Vi er elles positive til ytterlegare digitalisering av arbeidsprosessane, og har ingen merknader til kravet om å ta ordet stiftelse/stifting inn i namnet.
Vi viser også til høyringssvar frå Norges Museumsforbund, som gir ei utdjupande fråsegn om utfordringane ei slik endring vil føre med seg for museumssektoren, og sluttar oss til konklusjonane i svaret deira.
Stiftinga Norsk Folkemuseum femner avdelingane Norsk Folkemuseum, Norsk Maritimt Museum, Eidsvoll1814, Bygdøy Kongsgård, Bogstad gard og Ibsenmuseet. Stiftinga mottek årlege tilskott frå Kulturdepartementet, og har eigeninntekter som utgjer om lag 40% av totalen på ca kr 250 millionar. Delen har auka monaleg dei seinare åra, men kan ha store variasjonar frå år til år. Eigeninntektene er i stor grad knytte til samfunnsoppdraget vårt, på same tid som dei har vore med å gi økonomisk rom for auka aktivitet. Aktiviteten i denne delen av verksemda er i stor grad integrert i andre delar av verksemda.
Våre merknader til høyringa er særleg knytt til kapittel 2, næringsverksemd. Dersom endringa som ligg i høyringsframlegget også skulle omfatte eksisterande stiftingar, vil det føre til omfattande ekstraarbeid i overgangsfasen. Det vil ikkje vere opplagt kva som eventuelt måtte leggjast i eige selskap med omsyn til kostnader (personal, lokale etc) kontra den delen som er knytt til hovudformålet med stiftinga. For museum som eventuelt blir omfatta av endringa vil det utgjere ei meirbelasting gjennom ulike krav til rapportering, eventuelt også til ulike offentlege organ. Med varierande inntekter og aktivitetar vil dette variere frå år til år, og endringa vil meirarbeid og byråkratisering. Alternativet vil kunne vere ei omdanning av stifting til AS, men også dette er eit ressurskrevjande arbeid med dagens regelverk.
Museum som mottek statstilskott leverer årleg reviderte rekneskap og årsberetning til Kulturrådet. Vi legg til grunn at ønsket om avbyråkratisering sikrar at det ikkje skal vere naudsynt å levere same materiale til fleire offentlege instansar, men at det skjer ei samordning.
Vi er elles positive til ytterlegare digitalisering av arbeidsprosessane, og har ingen merknader til kravet om å ta ordet stiftelse/stifting inn i namnet.
Vi viser også til høyringssvar frå Norges Museumsforbund, som gir ei utdjupande fråsegn om utfordringane ei slik endring vil føre med seg for museumssektoren, og sluttar oss til konklusjonane i svaret deira.