Høyringsuttale frå Vest-Telemarkrådet
Vest-Telemarkrådet takkar for høvet til å kome med høyringsuttale til NOU 2021:2.
Vest-Telemarkrådet stør det overordna målet om å sikre at fleire kjem i arbeid. Kommunane er viktige aktørar i dette arbeidet. Det er mange samfunnsoppgåver som kan bli løyst betre i framtida om fleire blir inkludert i arbeidslivet. Kommuneøkonomi og lokal handlefridom er heilt avgjerande for å få til dette i praksis.
Vest-Telemarkrådet meiner at kommunane både kan spele ei viktig rolle for å redusere omfanget av ufriviljug deltid, og å sikre fleire som av ulike grunnar må jobbe deltid ein plass i arbeidslivet. For å redusere ufriviljug deltid, er det viktig at det framleis blir lagt til rette for ulike forsøk og samarbeid for å utvikle arbeidstidsordningar som styrkar andelen heile stillingar. Dette arbeidet må skje i tett samarbeid med partane i arbeidslivet.
For å inkludere fleire, må kommunane få ressursar til oppfølging av dette arbeidet, og ein kan sjå føre seg pilotar i regionar som Vest-Telemark i tett samarbeid med lokalt NAV-kontor.
Vest-Telemarkrådet meiner at god kommuneøkonomi er heilt avgjerande for å sikre eit utdanningstilbod der tidleg innsats og tilpassa opplæring står i fokus. Dette legg grunnlaget for eit samfunn der flest mogleg står lengst mogleg i arbeidslivet. Det er naudsynt å halde fram innsatsen med å få flest mogleg gjennom vidaregåande opplæring. Her er tilpassa løp til elevar som treng ekstra tilrettelegging eit viktig bidrag. Gode og fleksible ordningar for å sikre vaksne moglegheit til å fullføre vidaregåande opplæring, er òg heilt avgjerande. Vest-Telemarkrådet vil òg peike på at mindre kommunar jobbar svært godt og målretta med integreringsarbeid, og er viktige med tanke på å kvalifisere innvandrarar for utdanning og jobb.
Vest-Telemarkrådet deler utvalet si bekymring for gruppa 20-29 som ikkje er i arbeid, utdanning eller opplæring. (Om lag 8 % av aldersgruppa), og ber om at denne tematikken blir løfta i ei Stortingsmelding.
Vest-Telemarkrådet meiner at dagens tiltak for å redusere sjukefråver under paraplyen av IA-avtala er gode, og meiner prinsippa i dagens sjukelønsordning bør liggje fast. Rådet meiner at nyleg innførte tiltak som ekspertbistand må få tid til å bli innarbeidd, og at erfaringane frå desse må evaluerast.
NAV har ei viktig rolle i arbeidet med å auke sysselsettinga. Det er viktig at NAV har ressursar til og er organisert på ein måte som gjev tett oppfølging av brukarar, og gjer det mogleg med tett samarbeid med kommunar, næringsliv og andre lokale aktørar.
Vest-Telemarkrådet takkar for høvet til å kome med høyringsuttale til NOU 2021:2.
Vest-Telemarkrådet stør det overordna målet om å sikre at fleire kjem i arbeid. Kommunane er viktige aktørar i dette arbeidet. Det er mange samfunnsoppgåver som kan bli løyst betre i framtida om fleire blir inkludert i arbeidslivet. Kommuneøkonomi og lokal handlefridom er heilt avgjerande for å få til dette i praksis.
Vest-Telemarkrådet meiner at kommunane både kan spele ei viktig rolle for å redusere omfanget av ufriviljug deltid, og å sikre fleire som av ulike grunnar må jobbe deltid ein plass i arbeidslivet. For å redusere ufriviljug deltid, er det viktig at det framleis blir lagt til rette for ulike forsøk og samarbeid for å utvikle arbeidstidsordningar som styrkar andelen heile stillingar. Dette arbeidet må skje i tett samarbeid med partane i arbeidslivet.
For å inkludere fleire, må kommunane få ressursar til oppfølging av dette arbeidet, og ein kan sjå føre seg pilotar i regionar som Vest-Telemark i tett samarbeid med lokalt NAV-kontor.
Vest-Telemarkrådet meiner at god kommuneøkonomi er heilt avgjerande for å sikre eit utdanningstilbod der tidleg innsats og tilpassa opplæring står i fokus. Dette legg grunnlaget for eit samfunn der flest mogleg står lengst mogleg i arbeidslivet. Det er naudsynt å halde fram innsatsen med å få flest mogleg gjennom vidaregåande opplæring. Her er tilpassa løp til elevar som treng ekstra tilrettelegging eit viktig bidrag. Gode og fleksible ordningar for å sikre vaksne moglegheit til å fullføre vidaregåande opplæring, er òg heilt avgjerande. Vest-Telemarkrådet vil òg peike på at mindre kommunar jobbar svært godt og målretta med integreringsarbeid, og er viktige med tanke på å kvalifisere innvandrarar for utdanning og jobb.
Vest-Telemarkrådet deler utvalet si bekymring for gruppa 20-29 som ikkje er i arbeid, utdanning eller opplæring. (Om lag 8 % av aldersgruppa), og ber om at denne tematikken blir løfta i ei Stortingsmelding.
Vest-Telemarkrådet meiner at dagens tiltak for å redusere sjukefråver under paraplyen av IA-avtala er gode, og meiner prinsippa i dagens sjukelønsordning bør liggje fast. Rådet meiner at nyleg innførte tiltak som ekspertbistand må få tid til å bli innarbeidd, og at erfaringane frå desse må evaluerast.
NAV har ei viktig rolle i arbeidet med å auke sysselsettinga. Det er viktig at NAV har ressursar til og er organisert på ein måte som gjev tett oppfølging av brukarar, og gjer det mogleg med tett samarbeid med kommunar, næringsliv og andre lokale aktørar.