Dato: 02.06.2025 Svartype: Med merknad Innspel frå Lesja ungdomsråd til klima- og miljødepartementet si høyring av tiltaksplan for Snøhetta villreinområde. Lesja ungdomsråd ynskjer innleiingsvis å komme med ei oppmoding om at slike viktige høyringar i større grad må gjerast tilgjengelege for ungdom. Vi er framtidas forvaltarar av fjellheimen og derfor er det viktig at vi i større grad blir involvert i dette arbeidet. Involveringa bør skje på våre sine arenaer og på våre premissar i høve både språk og dialog. Lesja ungdomsråd trur ikkje at ungdommar generelt manglar interesse for temaet, det er meir at innhaldet i t.d. folkemøta er tilpassa aldersgruppa 50+. Lesja ungdomsråd stiller seg einstemmig bak Lesja kommunestyre sine innspel til høyringa som er fyljande: Lesja kommune vil bevare lokal myndigheit til å fatte gode løysingar for lokalsamfunnet og ivaretaking av villrein lokalt. Lesja kommune meiner det bør setjast i verk store tiltak som gjev effekt, framfor mange små tiltak med liten effekt. Lesja kommune foreslår å grave ned Osbulina som deler Snøhetta villreinområde i aust og vest. Kraftlina er ei potensiell barriere for villreinen. Å grave ned/ fjerne denne lina har liten eller ingen verknad på samfunnet. Staten bør setje av meir ressursar til forsking på rovdyr sin effekt på villrein for å auke kunnskapsgrunnlaget rundt dette. Lokalt observerast det mange fleire rovdyr, særleg ørn, havørnbestanden har meir enn dobla seg sidan 2002 (https://snl.no/hav%B8rn), forvaltninga bør vurdere om bestandsmåla og samansetninga av villreinstammen er riktig. Uttak av rovdyr bør effektiviserast. Det må følgje økonomisk kompensasjon ved gjennomføring av tiltak. Dette for å dekke auka kostnadar eller reduserte inntekter. Dalsida skil seg ut frå andre dalområder i Snøhetta villreinområde med betydelege landbruksinteresser som setermiljø og beiteressursar. Det er ikkje gjennomkøyringsveg der. Forsvaret sin aktivitet i villreinområdet er ein del av den totale belastninga Aktiviteten bør reduserast i sårbare periodar og til utvalde områder. Lesja kommune er positiv til følgjande tiltak i høyring: Tiltak 1. Statlege planretningsliner. Tiltak 4. Revidering av regionalplan for villreinområde. Tiltak 6. Villreinnemnd høyringspart. Tiltak 17. alternativ 2 med ei omskriving: Redusert opningstid Dalsidevegen med lokalt bestemte opningstidspunkt. Vegen må opnast før 1. juni, om vinteren stenger vegen seg sjølv. Stenging av vegen dersom villrein trekk inn i området. Tiltak 18. Villcamping forbode langs Dalsidevegen. Tiltak 29. Unngå tilrettelegging for ferdsel inn i villreinområde på Bjorli. Lesja kommune arbeidar aktivt saman med lokale aktørar og frivillige organisasjonar i heile kommunen for å kanalisere ferdsel med omsyn til villrein. Tiltak 30. Erstatte Fjelløypa og Kongelbergløypa. Løypelaget har lagt om Fjelløypa som i praksis har ført til at løypene er ein samanhengande trase i nedkant av fjellområdet. Tiltak 50. Samarbeid med beitenæringa om saltsteinplassar og parasittbehandling lokalt. Tiltak må vere frivillige og ikkje føre til nye byråkratiske prosessar for beitenæringa. Saltsteinplassar er nødvendige for å kunne drive utmarksbeite. Lesja kommune er positiv til auka kunnskap gjennom forsking og formidling. Lesja kommune er positive til reduksjon av motorferdsel i utmark. Stenge Snøheim turisthytte i ei prøveperiode på fem år. Stenge Reinheim turisthytte i ei prøveperiode på fem år. Forbod mot fuglehundprøver vest for E6 over Dovrefjell. Fjellvegen på Lesjaverk er open for alminneleg ferdsel frå 1. juni til vinteren stenger vegen. Unntak knytt til landbruksnæring, tilsyn og oppsyn. Sangrovbotnvegen stengast for motorisert ferdsel. Unntak knytt til landbruksnæring, kraftregulant, tilsyn og oppsyn. Lesja kommune er negative til følgjande tiltak i høyring: Lesja kommune er negative til tiltak som reduserer det lokale sjølvstyret Tiltak 2. Revidering av rundskriv T2/ 16. Dette kan føre til at Statsforvaltaren i større grad vil gripe inn i lokalforvaltning og innskrenke det lokale sjølvstyret. Ved ei eventuell revidering må det skiljast på kva som er store og små tiltak. Døme på små tiltak; mindre utvidingar av eksisterande bygg, oppføring av utedo, vedskjul mm. Døme på store tiltak; oppretting av nye hyttefelt, vindmøller mm. Tiltak 17. alternativ 1. Redusert opningstid av Dalsidevegen. Klima- og miljødepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
