Dato: 11.03.2025 Svartype: Med merknad Stavanger kommune viser til høyringa om ei universell tannhelseteneste (NOU 2024: 18). Stavanger formannskap vedtok 06.03.2025 følgande høyringsuttalelse: Alle tiltaka som er nemnt i NOUen vil til saman gje ei betre og meir tilgjengeleg tannhelseteneste for eit breiare lag av befolkninga. Stavanger kommune synes likevel det er for få tiltak som handlar om å førebygge sjukdom i tenner. Kapittel 2 i høyringsnotatet viser fleire gonger til effekten av førebyggande tiltak, samt samanhengen mellom sosioøkonomisk status (inntekt, yrke og utdanningsnivå) og utbreiinga og alvorsgraden av orale sjukdommar. Før ein rullar ut ei utvida tannhelseteneste over heile landet, bør ein nytta prioriteringskriteria i helsesektoren; nytte, ressurs og alvorlegheit. Og ein bør vurdera om det er andre tiltak som i større grad vil bidra til utjamning av sosial ulikskap i helse, og totalt sett gje betre helse og livskvalitet, inkludert tannhelse. Spesielt bør ein sjå på tiltak som hindrar at barn og unge fell ut av skulen, og ikkje fullfører vidaregåande skule, og hamnar i utanforskap. NOUen skildrar godt kor viktig dette er: « Utdanning medfører bedre økonomi, levekår og mestringsressurser, reduserer risikoen for arbeidsledighet og gir grunnlag for sosial mobilitet, noe som igjen påvirker helsetilstanden». Det synes usikkert om satsinga som presentert i NOUen, som i hovudsak handlar om behandling og heving av kvaliteten i tannhelsetenesta, er det som totalt sett vil gje mest og betre helse i befolkninga sett opp mot ressursbruken. Stavanger kommune anbefaler derfor at det blir vurdert fleire tiltak som er helsefremjande, og at dei bør væra tverrsektorielle for å kunne nå målet om utjamning av sosial ulikskap i helse, inkludert tannhelse. NOUen føreslår konkret å tydeleggjera den offentlege tannhelsetenesta sitt særlege ansvar for førebygging retta mot barn og unge. Samstundes har eldre andre spesifikke tannhelseutfordringar samanlikna med den yngre befolkninga. Derfor er det eit behov for auka merksemd på tannhelse blant eldre, særleg blant dei som mottar pleie- og omsorgstenester, for å sikra betre livskvalitet og generell helse i denne aldersgruppa. Undersøkingar peiker på at det er stor variasjon i korleis munnhygiene blir ivaretatt i sjukeheimar. Dette fordrar eit behov for tettare samarbeid mellom tannhelsetenesta og sjukeheimane for å etablere gode rutinar. Stavanger kommune støtter at ein må greie ut kva som er naudsynte tannhelsetenester. Vurderingane kring kva som er naudsynt, må væra kunnskapsbaserte. Eit betre kunnskapsgrunnlag, inkludert oversikt over tannhelsa i befolkninga og omfanget av behandling som blir gitt i tenesta, samt økonomiske konsekvensar av forslaga, er ein føresetnad for å kunne ta stilling til mange av forslaga som utvalet presenterer. Dersom det offentlege skal få utvida ansvar for tannhelsetenesta bør ein innføra prisregulering tilsvarande som for fastlegetenester. Det finansielle ansvaret for tannlegetenestene bør være statleg for å sikre eit likeverdig tilbod over heile landet. Dersom ansvaret for å levera tenester blir lagt til kommunen bør ein greia ut om ein risikerer at kommunane får tilsvarande utgifter for å rekruttere og behalde tannlegar, som i fastlegeordninga, særleg i mindre urbane område. Noko som vil gjera ordninga uforholdsmessig kostbar. Stavanger kommune støtter ei ordning for akutt tannhelsehjelp. Ordninga som finnes i dag er ikkje tilfredsstillande. Det er ikkje kompetanse på legevakta i dag til å vurdere naudsynte tiltak ved akutte tannskader, og i dag er det vanskeleg å få hjelp på ettermiddagar, helg og raude dagar. 24% i befolkningsundersøkinga frå 2023 oppgjer at dei ikkje oppsøker tannlege regelmessig, der 16% oppgjer ubehag som årsak og 23% som følge av tannlegeskrekk. Det er viktig at problem knytt til eigen tannhelse blir oppdaga og betra på et tidleg stadium, slik at tilstanden ikkje forverrar seg og behandlinga blir dyrare. I det vidare arbeidet med ei universell tannlegeordning bør det og bli arbeidd målretta mot denne gruppa, då økonomi ikkje er hovudårsaken for å avstå tannlegebesøk. Konklusjon Stavanger kommune anbefaler at ein prioriterer å få fram eit betre kunnskapsgrunnlag, og at ein nyttar prioriteringskriteria for å vurdere kva for ulike tiltak som totalt sett vil gje mest og betre helse i befolkninga sett opp mot ressursbruken. Helse- og omsorgsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
