Høyringssvar – Forslag om endringar i forskrift om opptak til høgre utdanning
Vi viser til høyringsbrev frå Kunnskapsdepartementet (KD), datert 28.06.2019. Universitetet i Bergen (UiB) sender med dette innspel til høyringsforslaget, og andre forslag.
UiB støttar høyringsforslaga om endringar i §§ 2-2, 4-8, 7-2, 7-4, 7-5, 7-6, 7-7 og 9-1. UiB har ingen merknadar til høyringsforslaga om endringar i §§ 3-8 og 4-10, og tar endringsforslaga til etterretning.
Tiltak for å regulere kjønnsbalansen i profesjonsstudia
UiB har tidlegare søkt om tiltak for å regulere kjønnsbalansen i tre av våre studium; Profesjonsstudia i medisin og psykologi, og Integrert masterstudium i odontologi. Dei helserelaterte profesjonsstudia har sterke samfunnsmessige grunnar til at god kjønnsbalanse må sikrast, både i studieløpet og i arbeidslivet.
I 2018 fekk UiB innvilga 1 tilleggspoeng for mannlege søkjarar til Profesjonsstudium i psykologi i kvote for førstegongsvitnemål. Tiltaket skal gjelde for ei prøveperiode på 4 år. Tal frå opptaket (tabell under) i 2019 tyder på at tilleggspoenget har hatt effekt og bidratt til det auka talet på tilbod til mannlege søkjarar i 2019.
Kvote for førstegongsvitnemål
Samstundes er UiB kjend med at KD skal føreta ein gjennomgang av dei eksisterande kvotane som er heimla i §7-3, og vi vil difor presisere at det er bruk av kvotar som er vårt føretrekte verkemiddel for å sikre betre kjønnsbalanse i desse studia. UiB ber KD om å utarbeide klare retningsliner for søknadar om kvotar og tilleggspoeng og at KD gjev lærestadane ein tilbakemelding om når det vil vere aktuelt å søkje om nye tiltak som kan bidra til å regulere kjønnsbalansen i aktuelle studium.
Det er eit viktig mål at kjønnsregulerande tiltak på sikt skal ha ein rekrutteringseffekt, og i samband med andre rekrutteringstiltak også sikre ein auke i mannlege søkjarar til studia. Gjennom den 4-årige prøveperioden med kjønnspoeng for psykologi, vil vi også sjå på effekten kjønnspoenga har på søkjartala.
Innspel til opptaksforskrifta § 7-13
UiB ber KD om å gjere ein gjennomgang av § 7-13 Rangering på grunnlag av særskild vurdering i opptaksforskrifta. Vi ber spesielt KD vurdere om ordninga fungerer etter hensikta, og om paragrafen sikrar likebehandling av søkjarar når det ikkje er fastsett felles reglar for korleis poenga til søkjarar skal justerast når dei elles dekkjer krava til å få innvilga særskild vurdering.
Denne ordninga baserer seg på at ein i opptak til høgare utdanning skal vurdere om ein søkjar skulle hatt høgare karakterar frå vidaregåande enn det som er gitt av den vidaregåande skulen som har utferda vitnemål og/eller kompetansebevis. UiB meiner at dette bør vurderast av fagpersonar som har denne kompetansen, eller av riktig klageinstans for dei vidaregåande skulane.
Dokumentet er elektronisk godkjend og har derfor ikkje handskrivne signaturar.
Vi viser til høyringsbrev frå Kunnskapsdepartementet (KD), datert 28.06.2019. Universitetet i Bergen (UiB) sender med dette innspel til høyringsforslaget, og andre forslag.
UiB støttar høyringsforslaga om endringar i §§ 2-2, 4-8, 7-2, 7-4, 7-5, 7-6, 7-7 og 9-1. UiB har ingen merknadar til høyringsforslaga om endringar i §§ 3-8 og 4-10, og tar endringsforslaga til etterretning.
Tiltak for å regulere kjønnsbalansen i profesjonsstudia
UiB har tidlegare søkt om tiltak for å regulere kjønnsbalansen i tre av våre studium; Profesjonsstudia i medisin og psykologi, og Integrert masterstudium i odontologi. Dei helserelaterte profesjonsstudia har sterke samfunnsmessige grunnar til at god kjønnsbalanse må sikrast, både i studieløpet og i arbeidslivet.
I 2018 fekk UiB innvilga 1 tilleggspoeng for mannlege søkjarar til Profesjonsstudium i psykologi i kvote for førstegongsvitnemål. Tiltaket skal gjelde for ei prøveperiode på 4 år. Tal frå opptaket (tabell under) i 2019 tyder på at tilleggspoenget har hatt effekt og bidratt til det auka talet på tilbod til mannlege søkjarar i 2019.
Kvote for førstegongsvitnemål
Samstundes er UiB kjend med at KD skal føreta ein gjennomgang av dei eksisterande kvotane som er heimla i §7-3, og vi vil difor presisere at det er bruk av kvotar som er vårt føretrekte verkemiddel for å sikre betre kjønnsbalanse i desse studia. UiB ber KD om å utarbeide klare retningsliner for søknadar om kvotar og tilleggspoeng og at KD gjev lærestadane ein tilbakemelding om når det vil vere aktuelt å søkje om nye tiltak som kan bidra til å regulere kjønnsbalansen i aktuelle studium.
Det er eit viktig mål at kjønnsregulerande tiltak på sikt skal ha ein rekrutteringseffekt, og i samband med andre rekrutteringstiltak også sikre ein auke i mannlege søkjarar til studia. Gjennom den 4-årige prøveperioden med kjønnspoeng for psykologi, vil vi også sjå på effekten kjønnspoenga har på søkjartala.
Innspel til opptaksforskrifta § 7-13
UiB ber KD om å gjere ein gjennomgang av § 7-13 Rangering på grunnlag av særskild vurdering i opptaksforskrifta. Vi ber spesielt KD vurdere om ordninga fungerer etter hensikta, og om paragrafen sikrar likebehandling av søkjarar når det ikkje er fastsett felles reglar for korleis poenga til søkjarar skal justerast når dei elles dekkjer krava til å få innvilga særskild vurdering.
Denne ordninga baserer seg på at ein i opptak til høgare utdanning skal vurdere om ein søkjar skulle hatt høgare karakterar frå vidaregåande enn det som er gitt av den vidaregåande skulen som har utferda vitnemål og/eller kompetansebevis. UiB meiner at dette bør vurderast av fagpersonar som har denne kompetansen, eller av riktig klageinstans for dei vidaregåande skulane.
Dokumentet er elektronisk godkjend og har derfor ikkje handskrivne signaturar.