Dato: 30.01.2025 Svartype: Med merknad Vestland fylkeskommune gir med dette høyringsinnspel til framlegg om endringar i forskift av 20. desember 2019 nr 2082. På grunn av kort høyringsfrist vert det gitt ei administrativ tilbakemelding. Tittel Vi foreslår at tittel på forskrifta blir forenkla til «Forskrift om regionale tilretteleggingsmidlar i landbruket». § 1 Formål Har ikkje merknadar. §2, andre ledd - Tilskotsmottakar Har ikkje merknadar. §2, tredje ledd – Tilskotsmottakar Det vert føreslått at fylkeskommunen, saman med den regionale partnarskapen må føreta ei vurdering om, og kor stor del av midlane det er hensiktsmessig å disponere til interne tiltak, før midlane lysast ut. Denne endringa meiner Vestland fylkeskommune ikkje er ønskeleg. Dersom skulane eller Kompetansenettverket søkjer om midlar så meiner vi det bør stillast same krav til prosjektinnhald og prosjektbeskriving som for dei andre søkjarane, og desse søknadane bør vurderast på line med andre søknadar. Dette vil vere meir krevjande å oppnå ved å sette av midlar på førehand. Ei slik løysing vil også vere lite fleksibel då det ikkje er råd å seie kor stor sum som skal settast av før prosjektet/tiltaket er skikkeleg beskrive og det er ikkje ynskeleg å sette av ein for stor sum. Vi meiner utganspunktet bør vere kor godt prosjekt treff opp mot overordna føringar, og ikkje om prosjektet er gjennomført i regi av skulane eller andre. Vi vil også presisere at vi meiner at prosjekt ikkje skal gå til «interne» tiltak, men prosjekt som er i tråd med føremålet og målgruppene for ordninga. Vi meiner endringa vil virke mot si hensikt, og gjere ordninga mindre fleksibel. § 3 og §4 Tiltaksområde I høyringsnotat og oppdragsbrev vert det presisert at tiltak som ber preg av ordinær drift fell utanom ordninga. Dette meiner vi ikkje går tydeleg fram av forskrifta. Dette, og presisering av tidsavgrensa utviklingsprosjekt kunne gjerne vore tydeleggjort i forskrifta slik at gjeldande praksis og reglar også kjem tydeleg fram i forskrifta. Elles har vi ikkje merknader til endringane. § 6 Tilskotsutmåling og tildeling Har ikkje merknadar. Landbruks- og matdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
