Oppsummering av høringssvaret:
Difi er positive til at verksemder får ei plikt til å registrere digitale adresser. Det må likevel skillast mellom det som er ei digital adresse for å sende til dømes vedtak, og det som berre er ei adresse der varsel om vedtak skal sendast. Vi meiner digital adresse skal vere ei adresse i eit sakshandsamingssystem eller ein digital postkasse der vedtaket skal sendast. Altinn skal framleis vere standardvalet for digital postkasse til verksemder, og varsling skal skje i dei tilfelle der verksemda ikkje sjølv har teke ansvar for meldingar. Vi meiner det vert feil å påtvinge tenesteeigaravtale i Altinn for å hente ut informasjonen og å bestemme at Altinn skal vere det einaste alternativet for postkasse til verksemder.