Bremanger kommune støtter ikkje Finansdepartementet sine framlegg til nye reglar om eigedomsskatt på produksjonsrelaterte nett og kraftanlegg. Dato: 13.07.2017 Svartype: Med merknad Departementet fremmar i sitt høyringsnotat to forslag: Det første er framlegg om endring av grensesnittet mellom kraftliner og kraftanlegg. Det andre framlegget gjeld frådrag for utgifter ved fastsetjing av kraftverksformuen etter gjeldande rett. Begge framlegga betyr reduserte inntekter til kommunane som skattekreditor. Når det gjeld forslaget om endring av reglane for produksjonsrelaterte nett, syner departementet i høringsnotatet til Høgsterett sin dom i SKS-saken (Rt-2015-1054), der Høgsterett fastslo at produksjonsliner er å sjå på som særskilde eigedomskatteobjekt, og ikkje som del av kraftanlegget. Etter Bremanger kommune sitt syn er dagens grensesnitt mellom nett og produksjon enkelt og veleigna. Grensesnittet har lagt fast sidan 1965, og SKS-dommen klargjorde denne rettstilstanden. I staden for å respektere avklaringa som følgjer av Høgsterett sin dom, føreslær departementet ein ny og svært uklar regel som opnar for nye tvistar og behov for nye avklaringar. Bremanger kommune går såleis i mot departementet sitt framlegg. Departementet føreslær også å endre regelen om frådrag for framtidige utskiftingskostnadar for driftsmidlar i kraftanlegg, jf. skatteloven (sktl.) § 18-5 4. ledd. Ein ser at det er trong for ein gjennomgang av kva driftsmiddel som gjev rett på frådrag for framtidige utskiftingskostnadar, men er usamd i reguleringa departementet føreslær. Departementets sitt framlegg inneber ein svært uklar og skjønnsmessig regel, der det i praksis vert overlate til kraftselskapa sjølv å definere kva driftsmiddel som er «knyttet til kraftproduksjonen». Dette må avklarast kva driftsmiddel som det bør kunne krevjast frådrag for. Dette arbeidet bør gjennomførast med deltaking av personar både frå kraftbransjen og kommunesektoren. Finansdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
