Dato: 07.01.2025 Svartype: Med merknad Regjeringa har den 21. oktober 2024 sendt ut sak på høyring knytt til at endringar i framtidig domstolstruktur for tingrettane må forankrast i Stortinget. Høyringsfrist er 10. januar 2025. Slik det er i dag kan dette gjerast åleine av Regjeringa. I framlegget til ny § 24 siste ledd i domstollova der det heiter: «Tingrettens rettskretser bestemmes av Kongen. Endringer i rettskretsene skal forelegges Stortinget.» Dette støttast av Kviteseid kommune. Jordskifterettane I Kviteseid er det samlokalisering av tingrett og jordskifterett, Kviteseid var den fyrste staden i Noreg dette vart gjennomført. Domstolane i Kviteseid har vore modell for veldige mange i ettertid. Sidan det er framlegg om å lovfeste rettsstad for tingretten, vil det vera håplaust å ikkje ha same bindinga for jordskifteretten. Slik sikring av rettsstadene bør og skje for jordskifterettane. I dag har Telemark jordskifterett rettsstad i Kviteseid og Skien. Med dagens ordning kan ei regjering i framtida legge ned ein rettsstad, utan å gå vegen om Stortinget. Justis- og beredskapsminister Emilie Enger Mehl har uttalt: Å legge ned, slå saman eller opprette tingrettar kan få stor betydning både for arbeidsplassar og innbyggjarar i det aktuelle området. Ved å lovfeste tingrettsstrukturen sikrar vi at framtidige endringar får ein betre og ryddigare demokratisk forankring» Det vil bety at framtidige endringar i strukturen vil krevje fleirtal i Stortinget. Det vil sikre rettsstadene ei sterkare demokratisk forankring og eit betre vern mot framtidige nedleggingar enn det tettstadane har i dag. Det er såleis viktig at jordskifteretten vert omfatta av lovforslaget på lik linje med tingretten. Jordskifteretten er ein arealdomstol med mykje merksemd på eigedomar i distrikta. Framlegg til vedtak: Regjeringa bør lovfeste at endring av jordskifterettane sine faste rettsstader også må leggast fram for Stortinget. Justis- og beredskapsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
