Uttale - høyring om innsyn, klage- og søksmålsrett for kommunen i skattesaker om verdsetting av kraftanlegg Dato: 07.03.2017 Svartype: Med merknad Høyanger kommune støttar Landssammanslutninga av Vasskraftkommunar(LVK) si fråsegn til forslaget om nye reglar for innsyn-, klage- og søksmålsrett for kommunane i skattesaker om verdsetjing av kraftanlegg. Høyanger kommune meiner det er uforståeleg at finansdepartementet ikkje har kommunane på lista over høyringsinstansar, sidan eigedomsskatten er ei rein kommunal skatteordning der kommunane er skattekreditor. Høyanger kommune vil i tillegg til LVK si fråsegn presisere følgjande: Finansdepartementet sitt forslag framstår utan grunngjeving når det ikkje er gjennomgått omsynet som Stortinget sitt fleirtal viser til i sitt anmodningsvedtak nr. 631. Kommunane må ved innsynsrett gjevast mogelegheit til å kunne utføre ein reel kontroll av eigedomsskattegrunnlaget. Opplysningar om grunnrenteskatten, naturressursskatten og inntektsskatten må og vere omfatta av innsynsretten når opplysningar har betyding for eigedomsskatten. Klageretten over eigedomsskatteverdsetjinga må også gjelde frådraget for grunnrenteinntekt. Kommunane må også få klagerett for fastsetjinga av naturressursskatten sidan kommunane er mottakar av naturressursskatten. Det er ingen grunn til at klageretten skal avgrensast til eigedomsskatten. Klagefristen må utvidast frå 3 månader til 6 månader. I klagesaker må kommunane få varsel og gjeve høve til å gi uttale. Kommunane må få varsel ved søksmål frå den skattepliktige. Fristberekninga for søksmål må presiserast av departementet. Finansdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
