Høyringssvar- forslag til endringer i Lov om barneverntjenester Dato: 27.01.2017 Svartype: Med merknad Til Barne- og likestillingsdepartementet Postboks 8036 Dep 0030 Oslo Høyringssvar- forslag til endringer i Lov om barneverntjenester Det vises til høyringsbrev frå Barne- og likestillingsdepartementet angående forslag til endring i Lov om barnevertjenester. Gulen og Masfjorden kommune, ved barneverntenesta, stiller seg i det vesentlige positiv til endringsforslaget. Vi er svært positiv til utvalgets forslag om å lovfeste et krav om dokumentasjon og at dokumentasjonsplikten skal regulerast nærmere i forskrift. Gulen og Masfjorden kommune ved barneverntenesta har imidlertid noen kommentarer: § 34 Hastevedtak om bosted utenfor hjemmet Påtalemakta sin heimel for å fatte hastevedtak vert foreslått teken vekk. Ein føresetnad for at dette skal være forsvarleg er at det vert opna for at heimelen til å fatte slikt vedtak kan delegerast frå barnevernsleiar til andre enn denne sin faste stedfortredar. I tillegg må ein opne opp for at delegasjon kan gjerast på tvers av kommunegrenser, for eksempel i samarbeid om interkommunal barnevernsvakt. Konsekvensen av å ikkje utvide høve til delegasjon, utover det som er mogleg i dag og slik forslaget kan forståast, er at barnevernsleiar eller denne sin faste stedfortredar alltid må være tilgjengeleg. Denne lovendringa må sjåast i samanheng med ny § 113 om at barnevernstenesta til ei kvar tid er tilgjengeleg for gjennomgang og vurderingar av bekymringsmeldingar. Skal denne endringa ha noko meining må og dei som til ei kvar tid skal være tilgjengeleg og ha dei naudsynte fullmakter til å sette i verk naudsynte tiltak. § 79 Trygghetsperson for barn Gulen og Masfjorden kommune er samd i at det er utfordrande for barn i sårbare situasjonar å skulle forholde seg til mange ulike vaksne. Utvalets forslag om å slå saman rollene som barnets talsperson, tillitsperson og tilsynsførar til ein trygghetsperson, er likevel krevjande fordi rollene fort kan føre til kryssande omsyn. Rolla som barnets talsperson er avgrensa og vil være vanskeleg å kombinere med den rolla som i dag ligg til tillitsperson og tilsynsførar. Barnets talsperson vert og oppnemnt i forkant av sak for fylkesnemnda, på eit tidspunkt der ein ikkje veit kvar barnet skal bu. Det vil difor oppstå situasjonar der det av geografiske årsaker er vanskeleg å følgje opp dei delane av oppdraget som i dag ligg til tillitsperson og tilsynsførar. Gulen og Masfjorden kommune er samd i at funksjonane som tilsynsførar og tillitsperson kan slåast saman til ein funksjon. Vi er samd med utvalet at dette ikkje vil svekke barnets rett til å ha med seg ein annan person i møte med barnevernet dersom det ynskjer dette. Etter vår vurdering bør ordninga med barnets talsperson bestå som i dag. Slik ein forstår framlegget er det Fylkesmannen som skal oppnemne trygghetsperson for barnet. Det er likevel noko uklart kva som vert rollefordelinga mellom kommune og Fylkesmannen i dette framlegget. Vil det for eksempel bety at dagens praksis med at det er kommunen som er ansvarleg for at det blir utført tilsyn i fosterheim vert teke bort? Ein viser her til forslagets § 130 som ikkje gjev eit tydleg svar på dette spørsmålet. Ei ordning der Fylkesmannen skal oppnemne og lønne trygghetspersonen, samstundes som at kommunen er ansvarleg for at oppgåvene vert gjennomført på ein forvarleg måte, er ikkje ei god løysing. § 112 Kommunens ansvar og oppgaver Gulen og Masfjorden kommune har ingen vesentlige innvendingar mot at det vert teke inn i Lov om barneverntjenester at kommunestyret skal vedta ei plan for kommunens arbeid med barn og unge. Sjølv om det står klart i lovteksten at det er kommunen som er ansvarleg for dette og at det er kommunestyret som skal vedta planen, er det ein fare for at for mykje av dette ansvaret vert lagt på barnevernstenesta åleine, dersom dette ikkje og er forankra i anna lovverk og i retningslinjer. Dette vil i tilfelle stå i motsetning til utvalet sine eigne vurderingar om at ein skal tydleggjere kva som er barnevernets kjerneoppgåver og «at flere forhold tilsier at barnevernstjenesten har fått et for omfattende samfunnsoppdrag på bekostning av primæroppgaven…» ( NOU, side 91) § 113 Kommunens organisering av barnevernstjenesten. Økonomisk ansvar. Formuleringa om at kommunen til ei kvar tid er tilgjengeleg for gjennomgang av meldingar er svært viktig og gjev eit klart signal om at barnevernstenesta må dimensjonerast på ein måte som gjer at dette faktisk er mogleg å få til. Det er og bra at utvalet i innstillinga si har streka under at kravet til beredskap både er gjeldande rett og at dette vert gjort enno tydlegare i framlegget. Med venleg helsing Gulen og Masfjorden kommune, ved barneverntenesta Barne- og familiedepartementet Til høringen Til toppen
