Dato: 19.12.2024 Svartype: Med merknad Besseggen Turisme c/o Bessheim Fjellstue AS Sjodalsvegen 2977 2683 TESSANDEN Org.nr. 890 311 792 E-post: post@bessheim.no Telefon 61238913 Det kongelige Nærings- og Fiskeridepartement Bessheim, 19. desember 2024 Postboks 8090 Dep, 0032 Oslo E-post: postmottak@nfd.dep.no Telefon 22 24 90 90 Org.nr. 912 660 680 Avdeling Næringspolitisk avdeling Høyringsnotat om forslag til lov om besøksbidrag – offentlig høyring Viser til Nærings- og Fiskeridepartementet sitt brev av 19. november 2024 med referansenummer 24/7392-2 og høyringsfrist den 3 januar 2025. Besseggen Turisme er ein samarbeidsorganisasjon for ni bedrifter ved Gjende og i Sjodalen, Jotunheimen. Medlemsbedriftene ligg hovudsakleg i Vågå Kommune, medan to ligg i Lom Kommune. Strukturen i reiselivet i Nord-Gudbrandsdalen er familiedrevne verksemder som tilbyr mat og overnatting. Ingen store kjeder. Fleire av oss har campingplass. Storparten av turistane her kjem på grunn av naturen. Besseggen Turisme har felles heimeside for å marknadsføre og informere om Besseggen og området rundt oss. Vi trykkjer opp informasjonsbrosjyrer saman på norsk og engelsk. Vertskapa har møte 2-3 gonger i året for å prate om felles utfordringar. Dessutan driftar vi Besseggenpatruljen saman, med støtte frå Miljødirektoratet. Medlemsbedriftene i Besseggen Turisme er Gjendebu Turisthytte DNT, Memurubu Turisthytte, Gjendebåten, Gjendesheim Turisthytte DNT, Bessheim Fjellstue og Hytter, Hindseter Fjellhotel, Sjodalen Hyttetun, Besseggen Fjellpark og Gjendeosen Parkering. Denne høyringsuttala kjem i frå bedriftene i Besseggen Turisme, samt Lemonsjø Fjellstue og Hytter. Turistane besøkjer oss på grunn av naturen. Dei vil oppleve Jotunheimen Nasjonalpark, Nasjonal Turistveg Valdreflya og ikkje minst Besseggen, som er på National Geographic si liste over dei 20 fjellturane du "bør gå i løpet av livet". Besseggenpatruljen plukkar søppel og rettleier og hjelper turistane. Denne jobben tek vi turistvertane fordi det er viktig for oss å ta vare på naturen som vi lev av, fordi vi vil ta samfunnsansvar og fordi Besseggen må framstå rein, triveleg og trygg å gå. For området vårt er det villcampingen som er utfordringen. Vi er lokalisert ved Nasjonal Turistveg Valdresflya. Fylkesveg 51 strekkjer seg frå Vågåvatnet, oppover Sjodalen og til Valdresflya, 1400 meter over havet. Det har vore populært å campe på denne strekninga heilt sidan femtitalet. Dei to siste sommarsesongane har overnattinga langs denne strekninga eksplodert. Det er veldig mange bubilar, campingvogner og telt på den 88 kilometer lange strekninga frå Vågåvatnet til Beitostølen, kanskje like mange som det er inne på campingplassane somme døgn. I åra framover skal det bli enda fleire bubilar. Det er rekna opp mot 140 bubilar på strekninga Vågå-Beitostølen somme sommarkveldar. Og så har du sidevegane i tillegg: På grusvegen opp frå Ridderspranget - Sallia er det somme kveldar opp til 60 bubilar/telt som hadde slått seg til for natta. Det er blir ikkje så stas å kjøre over den nasjonale turistvegen Valdresflya når det står tett i tett med bubilar, campinvogner og telt der. Mange ligg i fleire dagar. Det same har du på Sognefjellet. Skal det i framtida vera slik at dei som bur på campingplassane skal betale turistskatt og så skal dei som bur utanfor sleppe? Dette vil forsterke talet på camperar utanfor campingplassane våre. Og det vil løne seg mindre å utvide campingarealet. Forslaget hindrar utviding av eksisterande campingplassar og nyetableringar. Vi i turistnæringa her er sjølvsagt glade for at området vårt er populært, men vi meiner at Norge er naive som let seg invadere av mengdevis av turistar kvar sommar som har med eigen mat, ikkje legg att ei krone nokon plass, er her i vekesvis og kosar seg nesten gratis i eit av verdas mest populære naturdestinasjonar. Det kan ikkje førast inn turistskatt før villcamping blir med i ordninga! Forslaget er at turistskatten skal vera ein skatt /avgift på overnatting. Utfordringa er mangel på toalettløysingar og søppelhandtering. Dei pengane som kjem inn skal gå til å løyse dette problemet, jamfør forslaget. Vi synest at det er urettferdig at vi som driv med overnatting skal ta støyten for at campingen i Norge er ute av kontroll. For det er slettest ikkje berre våre gjestar om er problemet. På overnattingsbedriftene er det toalett, og søppelet blir handtert. Det er mykje arbeid å drive slike bedrifter som vi gjer. Det krev stor eigeninnsats. Krava og utgiftene ved å drive slike bedrifter er store nok frå før om vi ikkje skal få ein urettferdig turistskatt på toppen. Kostnadane både på vareinnkjøp til dagleg drift, oppussing og lønningar har auka kolossalt dei siste åra. Det er ikkje reint få slike fjellstover og turisthytter som har vorte lagt ned i Norge. Og det trur vi at myndigheitene skal ta alvorleg. Turisthyttene fungerer som kulturformidlar, turistinformasjon (også for andre enn våre eigne gjestar) og serverer tradisjonsmat. Er det vi vil sitje att med i distrikta våre private hytter leigd ut på airbnb og bensinstasjonmat? Satsen på 5 % er høg. Gjestane våre kjem til å reagere negativt på det. Kva om ei kommune innfører skatten, men ikkje nabokommunen? Kvar skal pengane da brukast? Her i Vågå Kommune er vi i den situasjonen at vi har mange populære turmål, der i blant Besseggen. Turistar i ein stor radius rundt Vågå kjem for å gå desse turane. Dei fleste som går Besseggen og andre turar, overnattar ikkje på bedriftene våre, men dei ligg til dømes på Beiotstølen, eller i private hytter leigd ut på airbnb i andre kommuner. Altså i nabokommuner som Nord-Fron, Sel, Lom, Øystre Slidre og dei andre Valdreskommunene. I grannekommunen vår Lom, er det veldig mange dagsturistar. Lom sentrum er fullt av bussar og bubilar. Veldig mange av desse turistane bur ikkje på bedriftene i Lom. Men det er overnattingsbedriftene som må ta kostnaden. Kor urettferdig er ikkje det?! Kva med eigne innbyggjarar som brukar oss? Vi har ein god del lokale gjestar gjennom eit år. Til dømes når vi har bryllaup. Kva med arbeiderar som bur hjå oss? Elektrikarar, røyrleggarar, entreprenørar, seljarar som er på farten osv. Tidvis har vi også ein del slike typer gjestar. Skal desse betale turistskatt også? Kva med utleige av heilårsplass for campingvogner med spikartelt? Skal det betalast turistskatt av denne inntekta også? Med venleg helsing frå Lemonsjø Fjellstue & Hyttegrend Mari Synnøve Furuset og Leiar i Besseggen Turisme Kari Lund Nærings- og fiskeridepartementet Justis- og beredskapsdepartementet Til høringen Til toppen
