Dato: 02.01.2025 Svartype: Med merknad Flatheim er eit lite familedrive gardshotell ved Nasjonal Turistveg Gaularfjellet i Sunnfjord kommune. Området er litt utanfor dei største turiststraumane, og i eit forholdsvis næringssvakt område. Flatheim er sertifisert som norsk økoturismebedrift, og jobbar etter internasjonale prinsipp for bærekraft. Vi nyttar lokal arbeidskraft, handlar lokalt og er eit viktig bidrag til lokalsamfunnet med tilbudet vårt. Likevel er det marginalt. Vi kan på ingen måte sjå at det er rett at overnattingsbedrifter skal bidra til fellesgodefinansiering og besøksforvaltning aleine. Langs heile den Nasjonale Turistvegen over Gaularfjellet, er det fullt av bobilar som campar på alle utkøyringar. I cruisehavner overfylles dei små stadane dagleg. Det er behov for å legge betre til rette for å minske avtrykka og bidra til vertskapsområda, men alle må vere med på å betale for dette. Det blir heilt feil om det kun er dei "registrerte" overnattingsbedriftene som skal dra lasset. For vår del, i eit marginalt område, kan ei slik avgift på toppen faktisk velte heile lasset. Dersom det skal leggast på turistskatt må den betalast av alle som er turistar, alle har behov for at det er betre tilrettelagt og forvalta. Kanskje bobilar og cruiseturistar i større grad enn dei som overnattar på hotell og andre stader der fasilitetane allerede er på plass. Vi kan komme med eit eksempel frå vårt nærområde. "Brua over Likholefossen". Ein attraksjon der mange turistar stoppar, vandrar rundt, bobilar og campingvogner overnattar på parkeringa, og det finst ikkje toalett, med dei konsekvensar det har. Vårt hotell ligg 500 meter ifrå. Vi har toalett, senger, servering og alt som skal til for gjestene på vårt økoturismesertifiserte hotell. Vi skal sjølvsagt ikkje også betale for at alle dei andre som ikkje er våre gjester skal få tilrettelegging. Dette må delast ut på alle som faktisk treng denne tilrettelegginga. Det er heller ikkje greitt at Airbnb og andre utleigeaktørar som ikkje er registrerte skal gå under radaren her. Denne ordninga må leggast opp på ein heilt anna og meir rettferdig måte. Det må også vere tydeleg og streng øyremerking av kva midlane skal brukast til, ellers vil dei nok i mange kommunar ikkje havne der dei er meint. Nærings- og fiskeridepartementet Justis- og beredskapsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
