Høyringssvar Bjerkreim Kommune Dato: 14.09.2016 Svartype: Med merknad Innføring av automatisk frikort for eigenandelstak 2 vil sannsynlegvis sørga for at fleire får oppfylt sine økonomiske rettar i helsevesenet. Gevinsten ved å knytta alle aktuelle tenesteytarar til felles elektronisk infrastruktur er også stor. På same måte som innføring av Helsenett i fastlegeordninga nokre år tilbake, bør også økonomiske incentiv brukast ved innføring av nye ordningar som medfører kostnader for tenesteytarane. Det er også fornuftig å harmonisera aldersgrense for gratis fysioterapi med helsevesenet for øvrig, til 16 års aldersgrense. Det å fjerna diagnoselista er også i tråd med det regelverket som gjeld i helsevesenet for øvrig. Ved å knytta rettar opp til enkelte diagnosar, vil det oppstå mange vanskelege avgrensingar – for eksempel når ein pasient med ein diagnose på diagnoselista også har behov for behandling av ein tilstand som ikkje står på lista. Når det gjeld skjerming av enkelte grupper bør også gravide med svangerskapsrelatert behov for fysioterapi takast med, slik det er i helsevesenet for øvrig. Bjerkreim Kommune støttar endringane i høyringsnotatet, men foreslår at gravide vert skjerma. Helse- og omsorgsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
