Fylkesmannen i Hordaland

Vi støttar endring av omgrepet tenestemann til det meir tidsriktige og kjønnsnøytrale «stats-ansatt». Ideelt burde også omgrepa «fylkesmann» og «embetsmann» ha vore endra til kjønns-nøytrale nemningar, men vi har ikkje funne gode erstatningsomgrep å foreslå.

Fylkesmannen er samd i at dette ulovfesta prinsippet no vert lovfesta i den nye statstilsette-lova, og vi er samde i den grunngjevinga som er gitt for dette forslaget.

For å sikre sams personalhandtering i underliggande verksemder kan det vere føremålsteneleg at fagdepartement har rett til å krevje revisjon av personalreglement dersom det kan gjerast utan det det går ut over partssamarbeidet lokalt. Fylkesmannen er samd i departementet si vurdering.

Det kan synast urimeleg at staten som arbeidsgjevar har utvida høve til mellombels tilsetjing. Likevel er statsforvaltninga organisert og finansiert på ein slik måte at det er naudsynt og føremålstenleg å kunne mellombels tilsetje når det er bruk for personell i kortare tidsrom. For Fylkesmannen er det særleg tydeleg på område med mykje prosjektfinansiering over framand-kapittel. For å løyse oppgåvene våre og ha ei ressursmessig rett bemanning treng vi å få vidareført høve til mellombels tilsetjing der ein medarbeidar trengs for ei avgrensa tids-periode. Fylkesmannen er samd i departementet sitt forslag når det gjeld høve til mellombels tilsetjing.

Fylkesmannen er samd i grunngjevingane for å harmonisere reglane med arbeidsmiljølova når det gjeld oppseiing grunna tilhøve i verksemda. Vi ser at det kan verte vanskeleg å vekte interessene til verksemda mot ulempene for den statstilsette utan at det ligg føre rettspraksis frå statleg område eller overordna føringar. Særleg vil det kunne gjere det vanskeleg å gjennomføre endringsprosessar som inneber nedbemanning. Innføring av prinsipp for interesseavveiing må ikkje vere til hinder for å kunne gjennomføre politiske avgjerder om omorganisering eller avgjerder om endring eller bortfall av tenestetilbod.

Fylkesmannen er samd i departementet sitt forslag om å avgrense reaksjonsforma for ordens-straff til skriftleg åtvaring. Reaksjonsforma ansiennitetstap er svært lite nytta og lite hensikts-messig. Vi vurderer det som greitt at denne utgår. Når det gjeld nedsetting i stilling, er det ei reaksjonsform som kan vere hensiktsmessig når medarbeidarar av ulike årsaker ikkje fungerer i stillinga, men ikkje har gjort seg skuldig i brot som vil gje grunnlag for oppseiing. Slik vi ser det bør det framleis vere høve til nedsetting i stilling.

Vidareføring av denne regelen vil kunne bidra til ei mildare reaksjonsform som vil gje raskare tilbakeføring til arbeidet og ordinær stilling der det er grunnlag for det. Fylkesmannen har ikkje nokon formeining om kor ofte denne reaksjonsforma er i bruk.

Fylkesmannen ser ikkje grunnlag for å ha ulike reglar for verksemdsoverdraging innad i staten.