Servituttlova – servl

Lov um særlege råderettar over framand eigedom [servituttlova]

§
20 paragrafer
📚
8 kapitler
📝
10 endringer
Rettsområder: Fast eiendoms rettsforhold Ekspropriasjon
Praksisområder: Eiendomsrett Naborett
I kraft: 01.01.1969
Departement: Justis- og beredskapsdepartementet
Merknader: Jf. lov 21 juni 2013 nr. 100. – Jf. tidlegare lover 22 juni 1863 kap. 1, 23 mai 1874 § 3, 10 feb 1908.
📄 Last ned Word 📃 Last ned PDF
📈 Endringshistorikk
10 endringer, 2001-2016
01
02
03
04
05
06
07
08
09
10
11
12
13
14
15
16

Kva lova gjeld.

§ 1
Denne lova gjeld særrettar over framand fast eigedom til einskilde slag bruk eller anna utnyttingsrådvelde eller til å forby einskilde slag verksemd, bruk eller tilstand. Lova gjeld ikkje pakting, tufteleige eller annan allmenn bruksrett.
Når anna ikkje er sagt, vik føresegnene for det som fylgjer av avtale eller særlege rettshøve.
🔗 Kopier lenke 📄 Last ned Word

Allmenne rådvaldsreglar.

§ 2
Korkje rettshavaren eller eigaren må bruka rådveldet sitt over eigedomen såleis at det urimeleg eller uturvande er til skade eller ulempe for den andre.
I avgjerda om noko er urimeleg skal det leggjast vekt på kva som er føremålet med retten, kva som er i samsvar med tida og tilhøva, og kva som høver til å fremje naturmangfaldet på staden.
🔗 Kopier lenke 📄 Last ned Word
§ 3
Gjeld det ei utnytting som tilkjem både eigaren og rettshavaren, har ingen av dei nokon førerett framfor den andre.
Kan ikkje båe stettast fullt ut, lyt dei minka på bruken etter måten like mykje.
🔗 Kopier lenke 📄 Last ned Word
§ 4
Rett som skal tryggja ein særskild bu- og byggjeskipnad på eit område, ligg til kvar eigedom på området og gjeld i den mon det kan vera til noko nytte for eigedomen.
🔗 Kopier lenke 📄 Last ned Word

Omskiping og avskiping.

§ 5
Er ingen avgjerande grunn i mot det, kan kvar av partane krevja å få bruken flytt eller nærare fastlagd, eller rettshøvet omskipa på annan måte, når han ber kostnaden sjølv, og den nye skipnaden er minst like god for motparten som den tidlegare.
Er det klårt at omskipinga vert til vinning for båe partar, kan kostnaden delast med ein høveleg sum på kvar.
Utan at partane er samde, kan omskiping etter denne paragrafen ikkje gå så langt at retten vert av eit anna slag enn før.
🔗 Kopier lenke 📄 Last ned Word
§ 6
Er det mykje om å gjera for ein part, og vinninga på hans side vert monaleg større enn tapet på hi, kan han få omskiping, jamvel om den nye skipnaden ikkje vert likså god for motparten som den tidlegare.
I slike høve skal den som krev omskipinga, svara mellomlag i jord, rettar eller pengar. Mellomlaget må ikkje setjast så lågt at omskipinga vert til skade for motparten.
🔗 Kopier lenke 📄 Last ned Word
§ 8
Retten til om- eller avskiping kan ingen av partane gjeva avkall på for lengre tid enn 10 år. Dette gjeld ikkje rettar som vert skipa for høgst 20 år.
Når retten er skipa eller omskipa i oreigning, jordskifte eller anna offentlegrettsleg avgjerd, kan om- eller avskiping etter denne lova ikkje krevjast før minst 20 år har gått eller nye tilhøve gjev rimeleg grunn til det.
🔗 Kopier lenke 📄 Last ned Word

Avhending og forkjøp.

§ 9
Ein rettshavar kan avhenda heile eller noko av retten sin til kven han vil, når det ikkje fører til annan auke i tyngsla enn det elles var høve til.
Rett som ligg til fast eigedom, må ikkje avhendast utan saman med eigedomen eller ein høveleg del av han. Rett som ikkje har tilknyting til næringsdrift på eigedomen eller ikkje er bunden til bruken av denne på andre måtar, kan likevel avhendast særskilt dersom retten er uturvande eller ulagleg til utnytting saman med eigedomen.
Rett som skal stetta ein reint personleg tiltrong hjå rettshavaren, må ikkje avhendast.
🔗 Kopier lenke 📄 Last ned Word
§ 10
Når ein rett går over til ny rettshavar, har eigaren forkjøpsrett. Føresegnene i lov om løysingsrettar §§ 2, 8, 10 fyrste til tredje stykket, 11, 12 fyrste og andre stykket og 13 til 22 gjeld tilsvarande så langt dei høver.
Fyrste ledd gjeld ikkje når rett som høyrer til ein fast eigedom eller eit føretak, går over saman med eigedomen eller føretaket.
🔗 Kopier lenke 📄 Last ned Word

Særskilt om bruksrettar i skog.

§ 11
Rett til å svi lyng, gras eller anna må ikkje heftast på skog. Det same gjeld rett til å taka bork, never, lauv, ris eller bar av tre som ikkje skal hoggast innan 1 år.
🔗 Kopier lenke 📄 Last ned Word
§ 12
Rett til å taka trevyrke til hushald eller gardsbruk må ikkje heftast på skog for lengre tid enn 25 år eller manns og kones levetid.
Rett til å taka anna skogsvyrke, eller eigedomsrett til skogstre på framand grunn, kan ikkje avtalast for lengre tid enn 3 år frametter. Avtala kan likevel gå ut på at tre som er utblinka når den nemnde fristen endar, kan avverkast i dei næraste 2 åra.
🔗 Kopier lenke 📄 Last ned Word
§ 13
Når skogeigaren krev det, lyt den som har rett til trevyrke til hushald eller gardsbruk, taka det etter utvising. Det kan krevjast at utvisinga skal gå for seg til visse, føreåt fastsette tider som høver for båe partar. Har rettshavaren bede om utvising, men skogeigaren let vera å gjeva utvising innan rimeleg tid eller – om så er – til fastsett tid, kan rettshavaren taka det naudsynlege trevyrke på forsvarleg vis utan utvising.
Rettshavaren har ikkje krav på å få utvist eller rett til utan utvising å taka ungskog eller særleg verdfulle tre, når anna tenleg vyrke kan takast utan altfor mykje meirarbeid med hogst og henting.
Er det utviste ikkje teke or skogen innan 2 år etter utvisinga kan skogeigaren rå over det sjølv.
For vyrke som ikkje er nytta forsvarleg, har skogeigaren rett til å gjera frådrag ved neste utvising til same føremålet, eller krav på vederlag rekna etter det verdet som vyrket på rot hadde for han.
🔗 Kopier lenke 📄 Last ned Word
§ 14
Rett til beite, slått eller mosetak må ikkje for lengre tid enn 25 år eller manns og kones levetid heftast på barskog eller skog av eik, ask, alm eller bøk. Det same gjeld mark som høver best til slik skog. For skoglaus mark gjeld dette likevel berre så langt marka er rekna for skogmark etter skogbrukslova § 2.
Rett til å beita med geit må ikkje heftast på skog eller mark som nemnt.
Om eit område som skal påheftast rett til beite, slått eller mosetak, går inn under føresegnene i første eller andre stykket, kan eigaren få bindande avgjort føreåt av skogoppsynet.
🔗 Kopier lenke 📄 Last ned Word
§ 15
Beiterett skal ikkje vera til hinder for at skogeigaren på eigen kostnad fredar ungskog og nyvokster med å halda opp til ein tiandepart av beitet avstengd for beitedyr. Har skogdyrkingstiltak i dei siste 10 år auka grasvoksteren på somme stykke i skogen, skal tiandeparten ikkje reknast annleis av den grunn.
Er retten frå tida før 1 januar 1864, har rettshavaren krav på å få like for tapet, i fall fredinga gjer nemnande skar i beitebruken hans.
🔗 Kopier lenke 📄 Last ned Word

Rådvaldsmisbruk.

§ 17
Om ein part varig og trass i åtvaringar brukar rådveldet sitt over eigedomen i strid med §§ 2 eller 3, kan motparten krevja dom anten på avskiping av retten mot vederlag ein gong for alle eller på at retten skal setjast ut or kraft for ei viss tid mot eingongsvederlag eller ei avgift for året.
For misbruken kan den skyldige dømast til å svara ei høveleg skadebot, endå om pengeskade ikkje er valda.
🔗 Kopier lenke 📄 Last ned Word

Avgjerd om omskiping, avskiping eller utvising

§ 18
Jordskifteretten tek avgjerder etter §§ 5 til 7 og § 13 i saker i samband med sak for jordskifterett og som eiga sak. Jordskiftelova § 5-7 gjeld for behandlinga i jordskifteretten av saker etter lova her.
Når retten er omskipa i avgjerd etter §§ 5 eller 6, kan om- eller avskiping etter denne lova ikkje krevjast før minst 20 år har gått, eller nye tilhøve gjev rimeleg grunn til det. Det same gjeld når om- eller avskiping er nekta i realitetsavgjerd etter lova her.
🔗 Kopier lenke 📄 Last ned Word
§ 19
Når partane er samde om det, utfører jordskifteretten nødvendig oppmålingsarbeid som del av saka. Jordskiftelova §§ 6-29, 7-1 andre ledd og 8-1 gjeld tilsvarande.
Kostnaden ved avgjerd i jordskifteretten etter denne lova skal leggjast på den parten som krev avgjerd, når ikkje jordskifteretten finn grunn til anna. Er omskipnaden til gagn for båe partar, kan kostnaden delast med ein høveleg sum på kvar.
🔗 Kopier lenke 📄 Last ned Word

Ikraftsetjing.

§ 20
Denne lova gjeld frå den tid Kongen fastset.1
Frå same tid vert etternemnde lover og lovføresegner sette ut or kraft eller brigda såleis: – – –.
1 Frå 1 jan 1969 iflg. res. 29 nov 1968.
🔗 Kopier lenke 📄 Last ned Word
2016
I kraft: 01. January 2016

Ikraftsetting av lov 21. juni 2013 nr. 100 om fastsetjing og endring av eigedoms- og rettshøve på fast eigedom m.m. (jordskiftelova)

Kunngjøring: forskrift/2013-06-21-736
🔗 Se endringsloven
2013
I kraft: 25. June 2013

Forskrift om endring i forskrift fastsatt av Skattedirektoratet til utfylling og gjennomføring mv. av skatteloven av 26. 1999 nr. 14

Kunngjøring: forskrift/2013-10-01-1198
🔗 Se endringsloven
I kraft: 21. June 2013

Instruks for transport av varepartier til veterinær grensekontrollstasjon som er ulovlig innført.

Kunngjøring: forskrift/2003-01-10-28
🔗 Se endringsloven
2009
I kraft: 19. June 2009

Forskrift om yrkestransport innenlands med motorvogn eller fartøy.

Kunngjøring: forskrift/2003-03-26-401
🔗 Se endringsloven
2008
I kraft: 27. June 2008

Forskrift om innsamling og behandling av helseopplysninger i System for vaksinasjonskontroll (SYSVAK-registerforskriften).

Kunngjøring: forskrift/2003-06-20-739
🔗 Se endringsloven
2005
I kraft: 17. June 2005

Ikraftsetjing av lov 17. desember 2004 nr. 96 om oppheving av lov 18. juni 1971 nr. 79 om Norsk språkråd.

Kunngjøring: forskrift/2004-12-17-1646
🔗 Se endringsloven
I kraft: 17. June 2005

Lov om endringer i lov 25. juni 2004 nr. 53 om endringer i rettergangslovgivningen m.m. (organiseringen av den sivile rettspleie på grunnplanet).

Kunngjøring: lov/2005-06-17-84
🔗 Se endringsloven
I kraft: 27. May 2005

Ikrafttredelse av lov av 13. desember 2002 nr. 74 om e-pengeforetak.

Kunngjøring: forskrift/2003-04-14-463
🔗 Se endringsloven
2004
I kraft: 25. June 2004

Forskrift om endring i forskrift om rester av plantevernmidler i næringsmidler og fôrvarer

Kunngjøring: forskrift/2020-05-04-932
🔗 Se endringsloven
2001
I kraft: 15. June 2001

Forskrift om endring i forskrift om innbetaling av avgift til Sparebankenes sikringsfond og Forretningsbankenes sikringsfond.

Kunngjøring: forskrift/2004-10-29-1404
🔗 Se endringsloven