Brukthandellova – brhll

Denne lova gjeld handelsverksemd med brukte og kasserte ting.
Som handelsverksemd vert rekna handel med varer i næring for eiga eller framand rekning og i eige eller i framand namn. Opptak av bestilling av varer i næring for seinare levering vert òg rekna som handelsverksemd.
Handelsverksemd skal drivast i samsvar med god forretningsskikk.1
Formålet med lova er å førebyggje omsetning av stolne2 eller ulovleg mottekne gjenstandar og å lette politiets arbeid med å oppspore slike gjenstandar.
1 Jfr. lov 16 juni 1972 nr. 47 §1 første leden.
2 Jfr. strl. kap. 24 og kap. 25.

Handelsverksemd med og oppkjøp med sikte på sal av brukte og kasserte ting, medrekna brukte kunstgjenstandar og antikvitetar, krev2 løyve frå politiet. Ein må2 ha løyve alle stader der verksemda vert driven, både på innkjøpsstad og salsstad.
Løyve som nemnt i første ledd kan bli nekta og kan trekkjast attende dersom måten verksemda vert driven på, eller andre forhold, gir grunn til å frykte misbruk. Slike vedtak kan klagast inn for departementet3 etter reglane i forvaltningslova4 §28, §29, §30, §31, §32, §33, §34
1 Jfr. lov 4 aug 1995 nr. 53.
2 Sjå § 5.
3 Nærings- og handelsdepartementet.
4 Lov 10 feb 1967. Jfr. òg den lova §35 siste leden og §42.

Føresegnene i §2 gjeld ikkje for auksjonsverksemd som vert driven av lensmann etter oppdrag frå offentlege styresmakter eller av advokatar.1
0 Endres ved lov 25 juni 2004 nr. 53 (i kraft 1 jan 2006 iflg. res. 19 aug 2005 nr. 901).
1 Jfr. dl. §218.

Departementet1 kan gi forskrifter2 om verksemd som nemnt i § 2, og verksemd som nemnt i § 3.
Departementet1 kan òg gi forskrifter2 om meldeplikt til politiet og om føring av protokoll osv., for foretak som skaffar seg brukte og kasserte ting til bruk i eiga bedrift.
1 Nærings- og handelsdepartementet.
2 Jfr. §5 og lov 10 feb 1967 §2 og kap. VII.

Den som forsettleg eller aktlaust bryt føresegner gitt i eller i medhald av denne lova, eller medverkar til slike brot, vert straffa med bøter1 eller under skjerpande forhold med fengsel2 i inntil tre månader.3
1 Jfr. strl. §27 og kap. 3 a.
2 Jfr. strl. §26a.
3 Jfr. strl. §25.

Lova gjeld frå den tid Kongen fastset. Frå same tidspunkt vert lov av 6. juni 1980 nr. 21 om handelsvirksomhet oppheva.
Løyve frå politiet gitt med heimel i lov av 6. juni 1980 nr. 21 om handelsvirksomhet gjeld òg etter ikraftsetjinga av lova her.
0 Lova trådte i kraft 1 jan 2000, etter res. 22 des 1999 nr. 1373.

Frå den tid lova trer i kraft vert det gjort følgjande endringar i andre lover: - - -